Kuuriyada wuqooyi oo ka digtay iskaashi militari oo dhexmara Mareykanka iyo K/Koonfureed

Hogaamiyaha Kuuriyada Waqooyi, Kim Jong-un Lahaanshaha sawirka Reuters
Image caption Hogaamiyaha Kuuriyada Waqooyi, Kim Jong-un

Xukumadda Kuuriyada wuqooyi ayaa uga digtay Kuuriyada Koonfureed in isbahaysi militari oo ay la samaysato Mareykanka uu dhaawacayo xiriirka gacanka Kuuriya.

Qoraal saxiixan oo lagu baahiyay jariirada xisbiga ka taliya Kuuriyada Wuqooyi ayaa lagu cambareeyay wadahadalada istaraatijiyadeed ee Seoul iyo Washington uga socda Hawaii.

Xoghayaha gaashaandhiga Mareykanka Jim Mattis ayaa carabka ku adkeeyay la sii kordhiyo cunaqabtaynta si loola tacaalo waxa uu ugu yeeray daandaansiga qayrul masuulnimada ah ee Kuuriya Wuqooyi.

  1. Japan oo ka digtay khatar ka imaanaysa Kuuriya Wuqooyi
  2. Mareykanka: 'anagu ma shaacin dagaal ka dhan ah Kuuriyada Waqooyi'
  3. Maraykanka oo damacsan in la xanibo hantida hogaamiyaha Kuuriyada Woqooyi

Hasa yeeshee waxa uu sheegay in dublamaasiyada ay tahay in ay la socoto ka baaraandagid ah tillaabo militari.

Labada Kuuriya ayaa todobaadyadii ugu dambeeyay isku soo dhawaanayay.

Ciyaaraha olambikada ee lagu wado in Kuuriyada Koonfureed lagu qabto bisha soo socota ayaa fursad u noqday in labada dhinac ay xiriir sameeyan.

Mowduucyada la xiriira