Booliiska Ruushka oo u dhacay xafiisyada hogaamiyaha mucaaradka

Alexei Navalny Lahaanshaha sawirka Getty Images
Image caption Alexei Navalny

Booliiska dalka Ruushka ayaa waxay u dhaceen xafiisyada hogaamiyaha mucaaradka Ruusha Alexei Navalny ka hor dibadbaxyo lagu wado in dalkaasi ay ka dhacaan kuwaasi oo lagu taageerayo qaadacaada doorashada.

Sawiro la soo dhigay barta uu YouTube ku leeyahay hogaamiyahani ayaa muujinaya askarta oo galaysa goob istuudiya ah islamarkana shaqaalaha su'aalo waydiinaya.

Mr Navalny ayaa ku baaqay dibadbaxyo maanta oo axad ah kuwaasi oo loogu soo horjeedo doorashada madaxwaynanimada dalkaasi.

Hogaamiyahani mucaaradka ugu wayn Ruushka Alexei Navalny ayaa ahaa ninka kali ah ee loo arkayay in uu tartan adag la gali karo madaxwayne Putin.

Afhayeen u hadlay Mr Navalny ayaa sheegay in askarta ay bir awood badan u adeegsadeen jabinta xafiiska, ayna u sheegeen in ay baarayaan bambaano.

Dhacdadani ayaa ku soo beegmaysa xilli maanta lagu waday in dibadbaxyo ay ka dhacaan dalkaasi kuwaasi oo looga soo horjeedo doorashada.

Doorashada madaxwaynanimada dalka Ruushka ayaa lagu wadaa in ay dhacdo 18 bisha march ee soo socota.

Mowduucyada la xiriira