Kheyre oo guddoomiyay shirka amniga qaranka

Xassan Cali Kheyre, Ra'isulwasaaraha Soomaaliya
Image caption Xassan Cali Kheyre, Ra'isulwasaaraha Soomaaliya

Waxaa maalinkii labaad galay shirka amniga qaranka Soomaaliya oo miiska hareerihiisa ay isa soo hor fadhiyaan madaxda ugu sareysa dowladda federaalka iyo madaxweynayaasha dowlad goboleedyada.

Qalabkan aad haysato kuma ciyaari kartid maqalkan iyo muuqaalkan
Ra'iisalwasaaraha soomaaliya oo markab dushiisa kula kulmay wafdi ka socda

Shirkan oo indhaha lagu wada hayo ayaa inkasta oo uu shalay furay madaxweyne Maxamed Cabdullaahi Farmaajo ayaa waxaa maanta shir guddoominayay Ra'isulwasaare Xasan Cali Kheyre sida ay kusoo waramayaan wariyeyaasha BBC-da ee caasimadda ku sugan.

Mowduuca oo ka gudbay amniga

Inkasta oo uu yahay shir amniga ku saabsan, haddane waxa ay u egtahay in arrimaha waaweyn ee muhiimka ah ee Soomaaliya ay wajahayso looga hadlayo shirka.

Waxyaabaha maanta laga hadlay waxaa ka mid ah dib u eegista dastuurka qabyada ah.

Taliyeyaasha amniga

Xilliga uu shirka dhacayo ayaa waxa ay kusoo aadaysaa iyada oo muddo billooyin ah uusan dalka lahayn taliyaha nabad suggida qaranka iyo taliyaha booliiska, kadib markii bishii Oktoobar ee lasoo dhaafay xilkii laga qaaday.

Hoggaamiyaha mucaaradka ah Cabdiraxmaan Cabdishakuur Warsame ayaa warbaahinta u sheegay in uu madaxda shireyso xusuusinayo baahida loo qabo in boosaskaas la buuxiyo.

Waxyaabaha shirka amniga looga hadlo waxaa ka mid ah arrimaha isku dhafka ciidammada, iyada oo wakiilka Qaramada Midoobay ee Soomaaliya Mr Micheal Keating uu shirka golaha ammaanka ka sheegay in dowlad goboleedka Puntland ay ciidammada xoogga dalka ay ku biirisay kumanaan askar ah, islamarkaasna hawsha isku dhafka ay si wanaagsan u socoto.

Galinka dambe ee maanta ayaa shirka lasoo gunaanadi doonaa, waxaana laga soo saari doonaa war saxaafadeed.

Mowduucyada la xiriira