Nin dilay wiilyar, haddane baadigoobkiisa qeyb ka noqday

Ashish Lahaanshaha sawirka COURTESY: HINDUSTAN TIMES
Image caption Ashish

Booliiska magaalada Dehli ee caasimadda Hindiya ayaa xiray nin afduubtay, kadibna dilay wiil yar, kaas oo uu meydkiisa boors ku hayay muddo 37 maalmood ah.

Ninkan ayaa lagu magacaabaa Avidesh Sakya, waxayna booliiska gurigiisa baareen kadib markii dariska ay dareemeen ur saa'id ah, taas oo uu balse dariska ugu micneeyay in meesha uu jiir ku dhintay.

Saraakiisha ayaa sheegay in ninkan uu guri uu ku jiro uu waalidiinta wiilka yar uu uga kireysnaa muddo 8 sano ah, kadibna uu wiilka afduubtay si uu lacag madax furasho ah uga helo.

Wiilka yar oo lagu magacaabo Ashish Saini ayaa la la'aa tan iyo 7dii bishii Janaayo ee sanadkan.

Aabaha wiilka dhalay oo lagu magacaabo Karan Saini ayaa sheegay in uu aad uga argagaxay waxa dhacay maadaamaa ninkan uu xitaa wiilka la baadi goobayay.

"Aad ayuu iiga horeeyay aniga raadinta wiilka, xitaa wuxuu iga caawiyay in aan booliiska kasoo diiwaangaliyo in wiilku maqanyahay isla maalintii wiilka la waayay" ayuu wargeyska Hindustan Times u sheegay Karan.

Mowduucyada la xiriira