BBC Somali oo ka jawaabtay warbixin la daabacay oo cabasho laga muujiyay

BBC
Image caption Cabdullaahi Sheekh, madaxa laanta Af Soomalaiga ee BBC-da

Laanta afka Soomaaliga ee BBC waxay ka jawaabeysaa farriimaha ay dhegeystayaasha u soo gudbiyeen oo ku aadan sheekada nin Soomaali ah oo sheegay inuu Afrika uga qaxay 'faquuqa ay la kulmaan ragga is guursada'

Cabdullahi Cabdi Sheekh, Madaxa Laanta Afka Soomaaliga ee BBC waxaa uu leeyahay, "BBC waxay u mahadcelineysaa dhammaan dhageystayaasha fikradahooda ka soo dhiibtay warbixintan. Marnaba ma ahayn ujeedkeenu in aan cid ka xanaajino, laakiin waxaanu sameynaa barnaamijyo kala duwan sida ay u kala duwan yihiin dhageystayaasheenu.

"BBC waxay sameysaa warbixinno dhexdhexaad ah iyo meel lagaga doodi karo fikrado kala duwan. Waxaanu fahamsannahay in wax walba oo aanu sii deyno aanay qancineyn qof kasta, si kastaba ha ahaatee, ogow in fikradihiina iyo walaaciina lala wadaagay maamulka Laamaha Dibedda ee BBC'', ayuu sii raaciyay Cabdullaahi.

Sheekadan waxaa markeedii hore lagu qorey bogga ku baxa luqadda Ingriiska, oo waxay ka hadlaysaa qof Soomaali ah oo Afrika uga cararay sababo la xiriira waxa uu aaminsan yahay, oo uu arkay inay ka duwan tahay tan ay bulshadiisa dooneyso.

Mowduucyada la xiriira