Nin Trump u shaqaynayay oo laga qadaanqadiyay Aqalka Cad

John McEntee Lahaanshaha sawirka Getty Images
Image caption John McEntee

Mid ka mid ah kaaliyeyaashii ugu waqtiga dheeraa ee madaxweyne Donald Trump ayaa xoog looga saaray Aqalka Cad, isaga oo xitaa loo diiday in uu alaabihiisa ka qaato meesha.

John McEntee ayaa shaqada kaaliyenimada laga eryay sida ay qortay warbaahinta Maraykanka, waxaana jirtay in uu ku socday baaritaan ku saabsan arrimo wax is dabomarin ah oo lagu soo eedeeyay.

John ayaa horey u ahaa wariye ka tirsan taleefishinka Fox News ka hor inta uusan ku biirin ololaha Trump.

Balse sidaas oo ay tahay agaasimaha ololaha dib u doorashada Trump ee 2020-ka Brad Parscale ayaa sheegay in John uu markale qeyb ka noqon doono ololaha Trump.

Waxa uu ka midyahay dad liiskooda aad usii kordhayo oo si joogto ah looga eryayo Aqalka Cad.