Kumanaan kale oo ka qaxaya bariga Ghouta

. Lahaanshaha sawirka Reuters
Image caption Kumanaan kale oo ka qaxaya bariga Ghouta

Kumanaan kamid ah shacabka Suuriya ayaa isu diyaarinaya inay ka ambabaxaan qeyb kale oo kamid ah goobaha ay maamulaan mucaaradka ee bariga Ghouta.

Gelinka dambe ee maanta ayaa lagu wadaa in magaalooyinka Zamalka, Arbin iyo Ain Tarma laga daad gureeyo dad shacab ah, dagaalamayaasha mucaaradka iyo qoysaskooda. Mucaaradka ayaa lagu wadaa inay u ambabaxaan gobolka Idlib oo ah halka ay ku xooganyihiin.

Daad gureynta dagaalamayaasha mucaaradka ayaa qeyb ka ah heshiis uu garwadeen ka yahay Ruushka oo lagu samata bixinayo mucaaradka.

Boqolaal qof ayaa lagu dilay deeganaadaasi tan iyo intii ciidmmadda dowladda Suuriya oo taageero ka helaya Ruushka ay bilaabeen duullaan ka dhan mucaaradka bishii lasoo dhaafay.

Ruushka ayaa sheegay in inkabaan boqol kun oo qof ay ilaa iyo imika laga samata bixiyay bariga Ghouda.

Mar sii horeysayna, dowladda Madaxweyne Bashar Al-Asad ayaa 13 askari iyo dhowr qof oo rayid ah ku bedelatay 5 kamid ah askarta mucaaradka.

Ururka Ahrar al Sham ee ka dagaalama Suuriya, kana mid ah kooxha ka dagaalama bariga Ghouta ayaa ogolaaday inay hubka dhigaan, si ay u helaan marin ay uga baxaan bariga Ghouta.

Mowduucyada la xiriira