Trump oo Iiraan ugu gooddiyey cawaaqib xumo

Madaxweyne Trump Lahaanshaha sawirka Getty Images
Image caption Madaxweyne Trump

Maalin ka dib markii uu Mareykanka uu ka baxay heshiiskii Nuklear-ka ee Iran ayuu madaxweyne Trump uga digay xukuumadda Tehran in ay la kulmi doonto cawaaqib xumo waa haddii ay dib u bilowdo mashruucdeeda nuclear-ka.

Madaxweyne Trump ma uusan sheegin waxa ay noqonayaan cawaaqib xumada oo aan ka ahayn in uu ka baxay heshiiska Nuclear-ka ee Iran oo dib ugu celinayo cuna qabateyntii horay u saarnaanjirtay taasi oo ujeedkeedu yahay in Iran heshiis cusub lala galo.

Haddii ay Iran ogolaan weydo heshiiskaasi cusub, waa ay ka shallaaynaysaa, ayuu yiri Trump. Balse haddana ma uusan faaf-faahin waxa uu ula jeedo hadalkaasi.

Mr Trump ayaa sheegay in Mareykanka uu Iran ku soo roogi dooni cuna qabatayntii ugu weynayd abid taasi oo sida ugu dhaqsiyaha badan u dhaqan gali doonto.

Ma cadda cuna qabataynta uu ka hadlaya in ay tahay mid cusub ama uu ku celin doono tii hore, taasi oo noqon doonto muddo ka badan 3 bilood ama lix bilood.

Inkastoo waddamada Yurub ay ka soo horjeesteen go'aanka Trump hadana madaxweyne Trump waxa uu weriyeyaasha u sheegay in waddamada kale ay ku faraxsanyihiin go'aanka uu qaatay, sababtoo ah heshiiska nuklearka ee Iran waxa uu ahaa mid haldhinac ah taas oo sababtay in uu kordho Nuclear-ka bariga dhexe.

Mowduucyada la xiriira