Obama iyo xaaskiisa oo jili doono filim

Lamanayaashan ayaa aqalka cad banneeyaya horraantii sanadkii 2017-kii Lahaanshaha sawirka Getty Images
Image caption Lamanayaashan ayaa aqalka cad banneeyay horraantii sanadkii 2017-kii

Madaxweynihii hore ee Mareykanka Barack Obama iyo xaaskiisa Michelle ayaa isku diyaarinaya sidii ay uga soo hormuuqan lahaayeen barnaamijka muuqalka ah ee Netflix si ay u jilaan aflaan iyo barnaamijyo muuqaal ah.

Neftlix waxay sheegtay in madaxweynihii hore ee Mareykanka Barack Obama iyo xaaskiisa ay shirkadda la saxiixdeen heshiis dhowr sana qaadanaya.

Waxaana filimka ay jili doonaan uu noqon doona mid taxane ah oo isugu jiro barnaamijiyo iyo faallooyin muuqaal ah.

Michelle Obama waxay tiri " Barack iyo aniga markasta waxaan aaminsanayn awoodda ay leedahay sheeko isku gudbinta taaso na dhiiragelisay"

Faafaahinta ku saabsan waxyaabhaa uu diiradda saari doono filimkan ayaa weli shaaca laga qaadin.

Lamanayaashani ayaa sameeyay diyaagaroow xoogaan si waxyaabaha ay jilayaan looga baahiya barnaamijka Netflix.

Lahaanshaha sawirka Getty Images
Image caption Obama iyo xaskiisa ayaa la filaya inay jilaan filin laga baahin doono shirkadda Netflix

Madaxweynihii hore ee Mareykanka Barack Obama ayaa sheegay in xilligii uu ka shaqaynayay xafiis dadweyne ay farxaddiisu ahayd inuu la kulmo dad horumar ka gaaray nolosha si dadka kale ay ula wadaagaan khibraddooda.

Barack Obama wuxuu yiri " taasi waa sababta aniga iyo Michelle aan ula shaqaynayna shirkadda Netflix, waxaan rajaynaynaa inaan gudbino xirfad xikmadaysan"

Mareykanka, Jarmalka iyo Faransiiska oo Ruushka cambaareeyay

Masaajiddo ku yaal Mareykanka oo loo hanjabay

Markii ay billaabatay ka hadalka arrintani horraanti sanadkani waxaa la sheegay in Obama uu Netflix uu kusoo bandhigi doono barnaamijyo wax ku ool ah oo ay kamid yihiin arrimmaha caafimaadka, isbaddalka cimilada iyo arrimaha socdaalka.

Waxaana sidoo kale la sheegay in Obama aysan u qorshaysnayn inuu filinkiisa noqdo mid uu ku weerarayo Donald Trump iyo mid wax dhaleeceynaya.