Sawirro: Jabuuti oo laga hirgaliyey tamarta laga dhaliyo uumiga

Waa mashruucii ugu horreeyey ee laga hirgaliyo jamhuuriyadda Jabuuti
Image caption Waa mashruucii ugu horreeyey ee laga hirgaliyo jamhuuriyadda Jabuuti

Mashruucan oo lagu qodayo seddex ceel oo laga soo saarayo tamarta uumiga ee dhulka hoostiisa (Geothermal) ayaa waxaa fulinaya shirkad laga leeyahay Iceland, waxaana ku baxaysa 45 Malyan oo Doollar.

Seddexda ceel ayaa ku yaalla deegaanka Fiicanle.

Wasiirka dhaqaalaha iyo miisaaniyadda ee Jabuuti, Ilyaas Muuse Dawaale, ayaa sheegay in uu muhiimad gaar ah u leeyahay mashruucan dalkiisa, gaar ahaan xilligan oo tamarta nadiifka ah ay dunidu aad u danaynayso.

Image caption Waxaa hirgalisay shirkad laga leeyahay Iceland
Image caption 25% korantada Jabuuti ayuu mashruucu dabooli doonaa
Image caption Madaxweyne Ismaaciil Cumar Geelle ayaa xarigga ka jaray

Madaxweynaha jabuuti ayaa Mashruucaas xarigga ka jaray.

Waxaa la filayaa in tamarta korantada ee seddexdaas ceel ay daboosho 25% baahida korantada ee Jabuuti.

Sannadka 2020, Jabuuti waxay filaysaa in 100% korantada ay isticmaalayso laga dhalin doono uumiga ka soo baxa dhulka hoostiisa.

Jabuuti oo ah dal ay dadkiisu ka yar yihiin hal malyan oo qof ayaa aad ugu tiirsan tamarta korantada oo iminka qaali ah.

Mowduucyada la xiriira