Mareykanka oo malaayiin doolar siinaya Ukraine

Ukraine waxay Ruushka ku eedeysay inuu taageerayo fallaagada bariga ka dagaallanta Lahaanshaha sawirka EPA
Image caption Ukraine waxay Ruushka ku eedeysay inuu taageerayo fallaagada bariga ka dagaallanta

Mareykanka wuxuu shaaca ka qaaday in xukuumadda Ukraine uu siinayo 200 miliyan oo doolar sii uu xoojiyo awooddiisa difaaca ee gobolka.

Bayaan lasoo saaray ayaa lagu sheegay in lacagahani lagu maalgelin doono tabbabarka ciidamada, xiriirka isgaarsiinta, adeegyada caafimaadka iyo xoojinta hubka aan saamaynta badan lahayn ee dalka Ukraine.

Mareykanka wuxuu sidoo kale sheegay in ka badan 1 bilyan oo doolar uu ku taageeray xukuumadda Kiev tan iyo sannadkii 2014-kii.

Ruushka ayaa xilliggaasi la wareegay gobolka Crimea, waxaana lagu eedeeyay inuu hubaynayo kooxaha raadinaya gooni u goosadka bariga dalka Ukraine.

Xukuumadda Moscow waxay beenisay wararka sheegaya in ciidammada ay hub siisoo kooxaha ku sugan bariga Ukraine balse wuxuu Ruushka qiray in kooxo isa soo xilqaamay ay caawinayaan fallaagada.

Dagaalka internet-ka ee Ruushka iyo NATO

Maalintii uu ‘baroortay’ Putin

Yaxaas gacanta ka goostay aroosad

In ka badan 10,000 qof ayaa lagu dilay colaaddii ka socotay deegannada bariga ku yaalla ee Donetsk iyo Luhansk.

Hadalka Mareykanka ayaa imaanaya xilli dhawaan uu kulan dhexmaray madaxweynaha Mareykanka Donald Trump iyo madaxweynaha Ruushka Vladimir Putin waxyaabihii ay ka wada hadleen ay kamid ahayd qalalaasaha Ukraine.

Mowduucyada la xiriira