Haweeney uu cunay yaxaas ay xanaaneyn jirtay

. Lahaanshaha sawirka AFP

Haweeneey reer Indonesia ayaa waxaa dilay yaxaas dhaqaale ahaan loo hasytay kadib markii ay ku dhacday goobtii lagu dhaqaaleeynayay.

Deasy Tuwo, oo 44 jir ah ayaa la sheegay in ay yaxaaska ay ku quudinaysay beer ay ka shaqeeynaysay, halkaas oo si sharci darro ah loogu hayay xayawaankaas.

Yaxaaska oo culeyskiisa uu gaarayo 700kg ayaa loogu magac daray Merry, waxaana la sheegay in uu haweeneyda ka qaniinay gacanta iyo inta badan caloosheeda.

Hataan yaxaaska ayaa waxaa la geeyay goob lagu dhaqaaleeyo xayawaanka iyadoo maamulka ay raadinayaan qofkii lahaa.

Ms Tuwo ayaa waxa ay ahayd madaxa sheeybaarka beerta, halkaas oo ay Merry ku quudinaysay.

Lahaanshaha sawirka SHUTTERSTOCK
Image caption Gabadhan ayuu yaxaaska cunay xilli ay damacsaneyd iney quudiso

10-kii bishan Janaayo ayey si lama filaan ah ugu dhex dhacday halka uu ku xirnaa yaxaas Merry ku jiray, waxaana subaxdii dambe meeydkeeda helay asxaabteeda.

Sida ay sheegtay wakaaladda wararka ee AFP, maamulka ayaa aaminsan in Ms Tuwo ay weli qeybo ka mid ah jirkeeda ku jiraan caloosha yaxaaskaasi oo dheerer kiisu uu yahay 4.4m.

Booliska ayaa haatan ku daba jira nin u dhashay dalka Japan oo la sheegay inuu yahay milkiilaha beerta iyo yaxaaska.

Bishii Abriil ee sanadkii 2016-kii, dalxiise u dhashay dalka Ruushka ayuu yaxaas ku dilay Jasiiradda Raja Ampat.

Dadka yaxaasyada ay dilaan ayaa lagu qiyaasaa 1,000 qof sanadkiiba.

Mowduucyada la xiriira