Diyaaraddii Ruushka ku gubatay oo la ogaaday inay Biriq ama jac ku dhacday

Qiiq uuro madow ah ayaa qabsaday goobta ay diyaaradda ku gubatay Lahaanshaha sawirka AFP
Image caption Qiiq uuro madow ah ayaa qabsaday goobta ay diyaaradda ku gubatay

Biriq ama jac, hadba dadka sida ay u yaqanaan ayaa la sheegay inay ku dhacday diyaaraddii maalin kahor ku gubatay dalka Ruushka. Diyaaraddan ayaa la sheegay inay saarnaayeen 78 qof.

Inakstoo kooxaha baaritaanka sameynayay aysan ilaa iyo iminka wax war ah ka soo saarin shilka diyaaradda ayaa haddana qaar kamid ah rakaabkii sarnaa diyaaradda waxay shegeen in Biriq ay qabsatay diyaaradda xili ay hawada ku jirtay.

Diyaaradaha casriga ayaa la sheegaa inay yihiin kuwa xamili kara Biriq-da ama jacda, waxaana saraakiil katirsan dowladda Ruushka ay shegeen in sababta diyaaradda ay ugu soo laabatay garoonka ay ahayd cillad farsamo.

Ugu yaraan 41 qof ayaa ku geeriyootay xilli ay hawada gashay ka hor inta aysan si deg deg ah u caga dhigan Garoonka diyaaradaha Sheremetyevo ee magaalada Moscow.

Muuqaal lagu baahiyay baraha bulshada ayaa muujinayey rakaabka diyaaradda oo isticmaalayey qalabka loogu tala galay in ay adeegsadaan xiliga ay dhacaan xaaladaha deg deg ah

Labo caruur ah oo ka mid ahaa rakaabkii diyaaradda ayaa ka mid ah dadka ku dhintay, sida ay sheegeen warbaahinta Ruushka.

Qof goob jooga ahaa ayaa arrintaan ku tilmaamay mid "Mucjiso" ah, diyaaradda uu dabku qabsaday waxaa saarnaa rakaab gaarayo 78 qof . Ilaa iyo hadda ma cadda waxa dhaliyay dabka qabsaday diyaaradda.

Kuuriyada waqooyi oo tijaabisay 'Gantaal ridda gaaban'

Kim-Jong-un iyo Putin oo markii u horraysay kulmaya

Diyaaraddaan ayaa qorshuhu wuxuu ahaa in ay ka degto magaalada Murmansk, marka ay saacdu aheyd (14:50 GMT waqtiga dlkaasi.

Nin lagu magacaabo Mikhail Savchenko oo saarnaa diyaradda ayaa sheegay in uu qarax maqlay isla markaana uu ku guulaystay in uu ka boodo.

Lahaanshaha sawirka Getty Images
Image caption Diyaaradda oo holceysa

Muuqaal baraha bulshada uu soo dhigay ayaa muujinayay dadkii rakaabka ahaa oo ka cararaya diyaaradda oo gubanaysa, waxaa uu ka qaylinayey waa noolahay iyo erayo kale.

Nin kale oo goob jooge ahaa laguna magacaabo Patrick Horlacher,ayaa BBC,u sheegay in uu la yaabay in uu arko shilka ku dhacay diyaaradda ka hor inta uusan korin diyaaradiisa.

Madaxweynaha dalka Ruushka Vladimir Putin oo ka hadlay dhacdadaan ayaa tacsi u diray qoysaskii iyo eheladii dadka dhintay.

Mowduucyada la xiriira