Doorashada Uganda 2021: Museveni oo hoggaanka u haya codadka la tiriyay

Uganda elections

Xigashada Sawirka, Getty Images

Qoraalka sawirka,

Madaxweyne Yoweri Museveni ayaa u tartamaya markii lixaad inuu madaxweyne ka noqdo dalkaas

Madaxweynaha Uganda Yoweri Museveni ayaa ku horreeya codadka la tiriyay ee doorashada madaxtinnimo, sida ay muujinayaan natiijooyinka horudhaca ah ee uus saakay shaaciyay guddiga doorashada.

Mr Museveni ayaa helay 1,536,205 codad ah (65.02%), halka ninka ay is hayaan ee Robert Kyagulanyi, oo loo yaqaanno Bobi Wine, uu heysto 647,146 codad ah (27.39%) kuwaasoo laga soo ururiyay ila 8,310 oo goobaha codbixinta ah.

Goobaha codbixinta waxay gaarayaan 34, 684.

Xigashada Sawirka, Reuters

Guddiga doorashooyinka Uganda ayaa goor sii horreysay xaqiijiyay in natiijada doorashada loo diri doono xarunta tirinta codadka iyadoo intenet-ka laga demiyay dalkaas.

Madaxa guddiga Simon Byabakama, ayaa sheegay inay adeegsanayaan hannaan gudaha ah oo lagu gudbinayo natiijada, balse ma uusan bixin wax faahfaahin ah.

"Ma isticmaaleyno internet-ka gudaha inaan ku gudbinno natiijada. Waxaan adeegsaneynaa hannaankeenna gaarka ah. Ha walwalina, natiijada waa la heli doonaa iyadoo uu intenet-ku xiran yahay." Ayuu yiri.