Ninkii internet-ka ku khiyaanay dadka reer Japan ee baraha bulshada isticmaala

Zonggu, waxaa uu isticmaalay aalad badalaysa wajiga qofka

Xigashada Sawirka, Nippon Television Network System

Qoraalka sawirka,

Zonggu, waxaa uu isticmaalay aalad badalaysa wajiga qofka

Sawirka gabadh da'a yar oo dhoolacadeynaysa islamarkana barbar taagan mootadeeda aya noqday mid dadka reer Japan ee baraha bulshada isticmaala soo jiitay.

Sawirkan waxaa jecleystay oo calaamadda (Like) Siiyay boqollaal qof.

Balse qaar ka mid ah dadkaasi oo si qota dheer ugu fiirsaday sawirkaasi ayaa ku baraarigay in ay wax ka qaldan yihiin sawirka.

Waxyaabaha ay ka shakiyeen waxaa ka mid ahaa in mid ka mid ah sawirada gacanteeda ay timo badan ku yaalaan islamarkana muraayad ka soo horjeeday ayaa waxaa ka soo muuqday waji kale oo ah hooska qofka.

Mid ka mid telefishinada dalka Japan ayaa shaaca ka qaaday in qofka xiddiga noqday ee cinwaanka @azusagakuyuki ku soo gala barta Tweetar-ka uu yahay nin 50 sano jir ah oo lagu magacaabo Zonggu.

Ninkan ayaa qirtay in uu isticmaalay aalad ama (App) lagu jarjaro sawirada islamarkana uu sidaasi qof dumar ah uu isga dhigay.

Zonggu ayaa u sheegay barnaamijka telefishinka Getsuyou Kara Yofukashi in uu doonayay in uu sare u qaado caannimadiisa baraha buslshada.

Waxaa uu intaa ku daray in uu rumeysnaa in dadka ay door bidayaan in ay arkaan "gabadh yar oo aad u qurux badan" oo aysan doonayn nin da'a wayn.

"Ma jirto cid akhrinaysa fariimaha nin da'a dhaxaad ah oo sita mootadiisa sawir-na iska soo qaaday islamarkana bartiisa so dhigay," ayuu yiri.

Zonggu ayaa sheegay in uu aad ula yaabay natijada ka soo baxday markii uu sawirkii jar-jaray isaga oo adegsanaya aalada FaceApp.

"Markii hore waan isku dayay waxaa ayna isu badalay qof qurux badan , waxaan jecleysatay sawirkaasi 1,000 qof , markii hore se 10 qof ayaa'like' i siin jirtay," ayuu intaa ku daray.

Xigashada Sawirka, Twitter

Qoraalka sawirka,

Zonggu ayaa waxaa Twitter-ka saaxib kula ah 19,000

Zonggu ayaa markii telefishinka laga soo daayay waxaa falcelin wanaagsan uu kala kulmay 19,000 ee uu saaxibka kula ah barta Tweetar-ka.

"Waan daawaday barnaamijkii telefishinka waxaana ka mid noqday taageerayaashaada !", ayuu soo qoray qof ka mid ah saaxibadiisa !!

Barnaamijyada sawirada lagu jarj-jaro ee sida FaceApp ayaa u suuragalinaya qofka isticmaala in uu sawirka uu badalo oo uu u ekeysiiyo sida qof da'a yar ama qof waayeel ah.