Wafdi reer Buuhoodle oo Hargeysa tegay

Silanyo Lahaanshaha sawirka BBC World Service
Image caption Madaxweynaha Somaliland ayaa la kulmey wafdi ka socda Buuhoodle

Wafdi ka socda Buuhoodle ayaa wada-hadal la yeeshey Madaxweynaha Somaliland

Wafdigani waxaa isugu jiraa salaadsiin, siyaasiyiin, dhallinyaro iyo xubno kale, waxaana maalmihii la soo dhaafey wada-hadalo nabadeed ay ugu socdeen degmada Caynabo.

Wafdigani ayaa la sheegaya in dhinacoodu ay doonayaan in wax laga qabto colaadda degaanka Buuhdoole oo heshiis laga gaaro si loo joojiyo dagaalku.

Waxaa kale oo ay doonayaan in maxaabiista la kala haysto la sii daayo si loo dhiso jawi aakhirka u horseedi karo is-fahan.

Magaalada Taleex ayaa billawgii sanadkan loogu dhawaaqey maamulka Khaatumo oo la sheegey in ay u dhanyihiin gobollada Sool, Sanaag iyo Ceyn.

Hase ahaatee Somaliland ayaa ku gacan-seyrtey maamulkaasi oo sheegtey in qeybo ka tirsan dhulkaasi ay hoos yimaadaan maamulkooda.