Falastiin ayaa loo oggolaaday korjoognimo

Markii u dambaysay ee la cusboonaysiiyay: 30 Novermber, 2012, 23:26 GMT 02:26 SGA

Golaha Guud ee Qaramada Midoobay

Golaha Guud ee Qaramada Midoobay ayaa aqlabiyad ugu codeeyay in Falastiin ay korjooge ka ahaato Qaramada Midoobay.

138 dal ayaa u codeeyay qaraarka loogu oggolaaday Falastiin doorkaasi.

9 dal ayaa diiday, halka 41 dal ay ka aamuseen.

Arrintan ayaa waxa ay u oggolaaneysaa Falastiin inay ku biiri karto hey'adaha Qaraada Midoobay.

Isagoo hadlayay codeynta ka hor, ayaa Madaxweynaha Falastiin Maxamuud Cabbaas waxa uu sheegay inuu weydiisanayo Qaramada Midoobay inay soo gudbiso shahaadadii dhalashada Falastiin.

Kadib markii qaraarkaasi la ansixiyay ayaa Xoghayaha Guud ee Qaramada Midoobay, Ban Ki-Moon, uu sheegay inay hoosta ka xariiqeyso baahida in dib loogu laabto wada xaajood nabadeed oo macno leh.

Israaiil iyo Mareykanka oo iyagu ka soo horjeeday qaraarka ayaa sheegay in aanu waxba soo kordhin doonin, laakiin Mareykanka waxa uu ku baaqay in dib loo cusbooneysiiyo wada xaajoodka.

Wararka la xiriira

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.