Macbadka Bel oo la burburiyay

Lahaanshaha sawirka Getty
Image caption Macbadka Bel

Sawiro dhanka satellite-ka ah ayaa xaqiijinaya in la burbiriyay macbad qadiimi ah oo kuyaalay maagaalada Palmyra ee dalka Suuriya sida ay sheegtay Qaramada Midoobay.

Waxaa jiray warar hore oo sheegayay in uu qarax ka dhacay macbadka Bel ee ku yaala Palmyra, waxaa halkaas gacanta ku haya Malayshiyada Dawladda Islaamka.

Madaxad waxyaabaha qadiimiga ah ee dalka Suuriya ayaa goor hore sheegay in ay sidoodii yihiin waxyaabihii aasaasiga u ahaa dhismahaasi 2000 ee sano jira.

Ururka isku magacaaba Dawladda Islaamka ayaa burburiyay macbad kale oo loo yaqaanay Baal Shemin bishan horaanteedii.

Ururkan ayaa ka soo horjeeda sanamada tilmaamaya in ay Ilaahyo kale jiraan, waxayna hore u burburiyeen meelo hore oo tariikhi ah oo ku yaalla dalka Ciraaq ee ay Suuriya deriska yahiin.