Volkano yasabisha vifo vya watu 72 hadi sasa

Mamia wamejeruhiwa katika mlipuko huo wa volkano Haki miliki ya picha AFP/GETTY
Image caption Mamia wamejeruhiwa katika mlipuko huo wa volkano

Mamlaka za Hawaii nchini Marekani zinasema kuwa mamia ya makazi yameharibiwa usiku kuamkia kutokana na kukumbwa mtiririko wa uji wa Volcano uliyotiririka na kuyafikia maeneo hayo.Wakati huo huo huduma za dharula zimeendelea nchini Guatemala kuwaokoa watu kufuatia mlipuko mwingine wa Volcano katika mlima Fuego ambapo hadi sasa watu 72 wamekufa.

Madhara haya ya Volcano yaliyotokea Hawaii yanatajwa kuwa mabaya Zaidi tangu janga hili litokee.Tangu wiki iliyopita wakazi wa maeneo hayo walitakiwa kuondoka katika eneo hilo kuepuka mamdhara ya Volcano hiyo inayotoa uji uji wenye kemikali ya Hydrochloric na vipande vipande kama vya kioo hivi.

Maeneo ya visiwa vikubwa ambako pia ni makazi ya Meya Harry Kim,yamekumbwa na madhara hayo. Alan Richmond kutoka kitengo cha Polisi ametoa taarifa ya hali halisi.

Watu milioni moja nukta saba sawa na zaidi ya asilimia 10 ya watu wote wapo katika hatari kubwa ya kukumbwa na madhara ya Volcano hiyo.

Luiz Meléndez ni mratibu wa majanga wa eneo la Escuintla.Anasema kuwa maandalizi yanaendelea kuhakikisha kuna maeneo ya kutosha kuwahifadhi wahanga wa tukio hilo.

"Tathimini kwaajili ya kuandaa mazingira ya kuwahifadhi watu inaendelea,ambayo inazingatia pia masuala ya usalama na mahitaji muhimu ya kuwa nayo,ili wananchi wasipate shida pale watakapopelekwa katika eneo la hifadhi."Luis Melendez.

Vikosi vya wanajeshi pia wanasaidi kuzima moto na kusaka watu ambao hadi sasa hawajulikani walipo

Jorge Luis Altuve ambaye ni mmoja wa brigade ya uokoaji iliyopo milimani,ameiambia BBC kwamba wameanza kushuka kutoka maeneo hayo ya mlimani kwani kumeanza kumekumbwa na giza na hivyo kutishia usalama wao pia.Serikali ya Guatemala imesema kuwa majivu ya volkano kutoka mlima mmoja unaoendelea kulipuka, yamesababisha vifo vya watu saba na kuwajeruhi wengine ishirini.

Shirika la kukabiliana na majanga nchini Guatemala limesema kuwa mlima Fuego ulilipuka siku ya jumapili, huku majivu hayo yakirushwa hadi kijiji cha El Rodeo na kusababisha uharibifu mkubwa wa makaazi ya watu.

Baadhi yao waliteketea ndani ya nyumba hizo.

Rais wa taifa hilo Jimmy Morales amesema vikosi vya uokoaji vimeanza kazi na tahadhali imetolewa.

Hata hivyo ya watu hao waliokufa kati yao watatu ni watoto.

Haki miliki ya picha Serikali ya Guatemala
Image caption Moshi ukifuka baada ya Volkano kulipuka

Mlipuko wa Volcano hii unatajwa kuwa Zaidi tangu ule uliotokea mwaka 1974.

Serikali ya Guatemala inasema kuwa takribani watu milioni moja wameathirika kutokana na Volcano hiyo.

Hata hivyo ushauri umetolewa kwa raia kuvaa vifaa vya kuzuia pua zao kutokana na moshi na majivu yanayoendelea kurushwa kutokana na Volcano hiyo.

Watoto kadhaa ni miongoni mwa waliothibitishwa kufariki.

Haki miliki ya picha AFP/GETTY
Image caption Mitaa imejaa jivu linalotokana na volkano

Video zilizochapishwa na vyombo vya habari nchini zinaonyesha miili ikiwa imetapakaa juu ya lava na maafisa wa uokozi wakiwahuhudmia watu waliofunikwa kwa jivu.

Mwanamke mmoja ameeleza kwamba lava ilimwagika katika mashamba ya mahindi na andhani kwamba huedna watu zaidi wamefariki.

Jumla ya watu milioni 1.7 wameathirika na mlipuko huo wa volkano, serikali ya Guatemala inasema.

Mada zinazohusiana

Maelezo zaidi kuhusu taarifa hii