Simba, Azam dimbani leo kusaka alama tatu

Simba
Image caption Wachezaji wa timu ya Simba

Ligi kuu ya Tanzania bara itaendelea tena leo kwa michezo miwili kupigwa katika miji ya Shinyanga na Mbeya.

Vinara wa ligi hiyo wekundu wa Msimbazi Simba, watakua ugenini mkoani Mbeya, kusaka alama tatu muhimu kwa kucheza na Tanzania Prisons,mchezo utakaopigwa katika dimba la Sokoine.

Azam Fc, nao watakua katika uwanja wa ugenini huko mkoani Shinyanga kwa kucheza na Mwadui FC.

Ligi hiyo itaendelea tena kesho Alhamisi kwa mchezo mmoja ambapo mabingwa watetezi wa ligi hiyo Yanga, wa watawakaribisha Ruvu Shooting, mchezo utakaopigwa katika dimba la Uhuru jijiji Dar es Salaam.