Chris Gardner: Mtu asiyekuwa na makao aliyefanikiwa na kuwa tajiri

Haki miliki ya picha CHRIS GARDNER
Image caption Chris Gardner alipitia changamoto za maisha

Wakati Chris Gardner na mtoto wake wa kiume walikuwa wakilala kwenye sakafu ya choo cha umma, hakuwa kamwe na ndoto kuwa siku moja maisha yake yangebadilika na hata kufikia kiwango cha kuchezwa kwenye sinema na kuwa maarufu katika sinena za Hollywood.

Ilikuwa miaka ya 80 wakati bwana Gardner akiwa na umri wa miaka 27, pamoja na mtoto wake mdogo wa kiume, walikuwa hawana nyumba ya kuishi kwa karibu mwaka mmoja huko San Francisco nchini Marekani.

Haki miliki ya picha CHRIS GARDNER
Image caption Maisha ya Gardner yalibadilika na kuwa sinema maarufu

Alikuwa akifanya kazi ya mshahara kidogo kama wakala, na hivo hakuwa na na pesa za kutosha kuweza kukodi chumba cha kuishi..

Kwa hiyvo bwana Gardner ambaye alikuwa ametengana na mpenzi wake, alilazimika kulala popote pale angefanikiwa kulala akiwa na mtoto wake.

Kando na kulala kwenye choo ya kituo cha reli, pia walilala kwa bustani za umma, makanisani na kwenye sakafu ya ofisi alikokuwa akifanya kazi baada ya kila mtu kuondoka kwenda nyumbani.

Haki miliki ya picha Getty Images
Image caption Chris Gardner na Will Smith, ambaye alicheza sinema ya maisha yake

Walikula kwenye maeneo ya kupika michuzi na zile pesa kidogo alikuwa nazo, alimlipia mtoto wake kujiunga na shule ya chekechea angalau apate nafasi ya kuenda kazini.

Licha ya hayo yote bwana Gardner alinawiri katika kazi yake, alipomaliza kipindi cha mafunzo kama wakala, kampuni yake ya Dean Witter Reynolds (DWR) ilimpa mkataba.

Haki miliki ya picha Getty Images
Image caption Bwana Gardner na mot wake wa kiume walipata wakati mgumu mjini San Francisco

Alipata uwezo ya kutafuta nyumba ya kuishi na mtoto wake ndipo taaluma yake ikakua kwa haraka. Mwaka 1987 alianzisha kampuni yake ya Gardner Rich.

Sasa hivi bwana Gardner mwenye umri wa maiaka 62, anamiliki utajiri wa takriban dola milioni 60, na husafiri kote duniani kama mzungumzaji wa kuwatia moyo watu, na pia hufadhili mashirika yanayoshughulikia watu wasio na makao na yale yanayopinga dhuluma dhidi ya wanawake.

Haki miliki ya picha CHRIS GARDNER
Image caption Kwa sasa Gardner hutumia siku 200 za mwaka kusafiri kote duniani na kuwahutubia watu.

Ukweli kuwa bwana Gardner alikuwa ametatizwa na maisha alipokuwa mtoto na kutumikia kifungo jela baada ya kukamilisha mafunzo katika kampuni ya DWR, ni baadhi ya mambo yaliyochangia maisha yake kuchezwa kwenye sinema wakati alikuwa akiandiska historia ya maisha yake "The Pursuit of Happyness".

Sinema yenye kichwa kama hicho ilitolewa mwaka 2006 na msanii Will Smith , akateuliwa kuwa mcheza sinema bora ya kumuiga Gardner.

Kwa sasa Gardner hutumia siku 200 za mwaka kusafiri kote duniani na kuwahutubia watu.