Mvulana albino auawa na ubongo kutolewa Msumbiji

Haki miliki ya picha Getty Images

Mvulana wa umri wa miaka 17 ambaye ana ulemavu wa ngozi amepatikana akiwa ameuawa na ubongo wake kutolewa nchini Msumbiji.

Mkazi wa eneo la Tete, magharibi mwa Msumbiji, ambaye hakutaka jina lake litajwe, amesema wazazi wa mvulana huyo walianza kumtafuta alipokosa kurejea nyumbani.

Mwili wake ulipatikana ukiwa hauna mikono na miguu.

• Polisi wachunguza mauaji ya wenye vipara

Aidha, kichwa chake kilikuwa kimepasuliwa na ubongo wake kutolewa.

Msemaji wa polisi wa mkoa wa Tete Lurdes Ferreira amesema polisi wataanzisha uchunguzi eneo ambalo uhalifu huo ulitokea.

Kisa hicho ndicho cha karibuni zaidi dhidi ya watu wenye ulemavu wa ngozi ambao mara kwa mara hushambulia kwa sababu ya viungo vyao ambavyo hudaiwa kutumiwa katika ushirikina.