Uchunguzi: Dola bilioni 100 zilifujwa Saudi Arabia

Ritz-Carlton Hotel's entrance gate in Riyadh, Saudi Arabia (5 November 2017) Haki miliki ya picha Reuters
Image caption Wale waliokamatwa wanaripotiwa kuzuiliwa kwenye hoteli ya Riyadh's Ritz-Carlton

Mwanasheria mkuu nchini Saudi Arabia amesema takriban dola bilioni 100 zilifujwa kwenye ufisadi na matumizi mabaya ya fedha miongo ya hivi karibuni.

Sheikh Saud al-Mojeb alisema kuwa watu 199 wanazuiliwa kuhojiwa kama sehemu ya hatua kubwa ya kupambana na ufisadi ambayo ilianza Jumamosi usiku.

Hakumtaja yeyote lakini wanaripotiwa kuwa mingoni mwao wanawafalme wa vyeo vya juu, mawaziri na wafanyabiashara maarufu.

"Ushahidi wa uaovu uliotendeka ni mkubwa sana," Sheikh Mojeb alisema.

Haki miliki ya picha AFP
Image caption King Salman alimteua mwanawe, Prince Mohammed, kama mrithi wa ufalme

Alisema kuwa shughuli za kawaida katika ufalme huo hazijaathiriwa na kukamatwa kwa watu hao na akaunti binafsi za benki zilizofungwa.

Sheikh Saud al-Mojeb alisema kuwa uchunguzi wa kamati kuu ya ufisadi, ambayo inaongozwa na mwanamfalme wa umri wa miaka 32 Prince Mohammed Bin Salman unaendelea vyema.

Alitangaza kuwa watu 208 wameitwa kuhojiwa hadi sasa na kwamba 7 kati yao wameachiliwa.

Mada zinazohusiana