Meli ya kubeba mafuta bado yateketea moto pwani mwa China

Oil tanker on fire Haki miliki ya picha Reuters
Image caption Meli ya mafuta bado yateketea moto pwani mwa China

Hali mbaya ya hewa inatatiza juhudi za kuzima moto na kufuja kwa mafuta zaidi ya saa sitini baada ya meli mbili kugongana kusini mwa bahari ya China.

China inasema meli hiyo ya mafuta ya Iran bado inateketea moto baada ya kisa hicho kilichohusu meli ya kubeba mizigo kilomita 260 nje ya pwani ya Shanghai.

Meli hiyo kwa jina Sanchi imebeba tani 136,000 za mafuta.

Waokoaji sasa wamepanua shughuli ya utafutaji wa wahudumu 31 wa meli ambao hawajulikani waliko.

Ni mwili moja tu wa mhudumu kati ya wahudumu 30 raia wa Iran na waBangladesh wawili uliopatikana hadi sasa.

Raia 21 wa China waliokuwa kwenye meli ya mizigo waliokolewa.

Kuna hofu ya kutokea janga kubwa la kimazingira wakati meli hiyo inaendelea kufuja mafuta.

Katika taarifa leo Jumanne, wizara ya uchukuzi nchini China, ilisema upepo mkali, mvua na mawimbi yanaendelea kutatiza juhudi za uokoaji.

Haki miliki ya picha AFP/Getty Images
Image caption Meli ya mafuta bado yateketea moto pwani mwa China

Mada zinazohusiana