Afrika Kusini: Familia yenye utata ya Gupta yavamiwa na polisi

Members of the Hawks special police unit stand guard outside Gupta home Haki miliki ya picha EPA
Image caption Eneo la familia hiyo jijini Johannesburg limevamiwa mapema asubuhi na kikosi maalum cha polisi

Watu watatu wamekamatwa baada ya nyumba ya familia ya Gupta yenye utata nchini Afrika Kusini kuvamiwa katika muendelezo wa uchunguzi dhidi ya familia hiyo inayodaiwa kuwa na ushawishi mkubwa kwa serikali.

Familia tajiri ya wazaliwa wa India ya Gupta imeshutumiwa kwa kutumia urafiki wao na Rais Zuma kwa manufaa binafsi na kibiashara.

Bwana Zuma na wakina Gupta wote wamekana shutuma hizo dhidi yao.

Kwa kiasi shinikizo kubwa la Zuma kujiuzulu linatokana na uhusiano wake na familia hiyo.

Anatarajiwa kuzungumza hivi karibuni kuhusu wito wa chama cha ANC wa kuondoka madarakani.

Cheo cha Zuma kama kiongozi wa chama kilichukuliwa na makamu wake, Cyril Ramaphosa, Disemba mwaka jana ,lakini hadi sasa amekataa wito wa chama kujiuzulu.

Chama cha ANC chaamua Zuma ni lazima aondoke

Afisa mmoja wa chama amesema alikuwa tayari kuachia ngazi ndani ya miezi mitatu hadi sita ijayo, lakini viongozi wa juu wanataka atoke mara moja.

Kiongozi huyo mwenye kashfa nyingi amekuwa madarakani tangu mwaka 2009.

Haki miliki ya picha AFP
Image caption Maandamano makubwa dhidi ya familia ya Gupta Afrika Kusini

Kikosi maalum cha 'The Hawks', kimethibitisha wamezingira eneo la Gupta mjini Johannesburg Jumatano asubuhi.

Bunge kuanzisha uchunguzi wa ufisadi mkubwa Afrika Kusini

Familia ya Gupta inayomiliki baadhi ya biashara Afrika Kusini imeshutumiwa kutumia ushawishi wao na urafiki na Jacob Zuma vibaya kupata mikataba ya serikali inayogharimu mamilioni ya dola za kimarekani.

Mada zinazohusiana