Trump: Mazungumzo na Korea Kaskazini yatakuwa makubwa kwa dunia

President Donald J. Trump speaks to supporters at the Atlantic Aviation Hanger on March 10, 2018 in Moon Township, Pennsylvania Haki miliki ya picha Jeff Swensen/Getty
Image caption Trump: Mazungumzo na Korea Kaskazini yatakuwa muhimu kwa dunia

Rais wa Marekani Donald Trump amesema mkutano ulipangawa na kiongozi wa Korea Kaskazini Kim Jong-un unaweza kufeli au ulete makubaliano makubwa zaidi kwa dunia.

Wakati wa mkutano wa kisiaza huko, Pennsylvania, Bw Trump aliwaamba wafuasi wake kuwa anaamini Korea Kaskazini inataka kuwe na amani.

Lakini amesema ataacha mazungumzo hayo kwa haraka ikiwa hayataangazia suala la kuharibu silaha za nyuklia.

Katika hotuba yake, Trump alionya kuhusu kodi kwa magari ya Ulaya na kuzindua kauli mbiu yake ya kuchaguliwa tena mwaka 2020.

Alisema ana matumaini kuwa makubaliano ya kupunguza misukosuko ya nyuklia yatafanyika kusaidia nchi kama Korea Kaskazini.

Pia alisema kuwa anaamini Korea Kaskazini wataheshimu ahadi za kutofanya majaribio zaidi ya makombora.

Mazungumzo kama haya yashawai kufanyika?

Hakuna rais wa Marekani ashawai kukutana na kiongozi wa korea Kaskazini lakini kumekuwa na majaribo kadha ya kuitaka Korea Kaskazini kuachana na mpango wa silaha za nyuklia.

Jitihada kubwa zaidi za mazungumzo ya pande sita yaliyovunjika mwaka 2008, kwa sababu Korea Kaskazini ilikataa kuruhusu wachunguzi kubaini ikiwa Korea Kaskazini ilikuwa imesitisha mipango yake ya nyuklia.

Majaribio kadhaa ya kufufua mazungumzo hayo yalishindikana, ikiwemo mwaka 2012 wakati Korea Kaskazini ilirusha kombora lingine, wiki mbili baada ya kutangaza makubaliano na Marekani.

Mazungumzo hayo yanaweza kufanyiwa wapi?

Kim Jong-un yuko chini ya vikiwazo kadhaa vya usafiri. Kwa hivyo kuna uwezoko kuwa anaweza kukutana na Trump nchini Korea Kaskazini.

Watakutana eneo lenye ulinzi mkali kwenye mpaka kati ya Korea Kaskazini na Kusini au labda huenda mkutano wao ukafanyika China.

Mada zinazohusiana