Wanawake 100 wa BBC: Wanawake wanaouawa siku moja maeneo tofauti duniani

An average of 137 women across the world are killed by a partner or family member every day
Image caption Wanawake 137 huuawa kila siku kote duniani

Takriban wanawake 137 kote duniani huuawa na waume na pia wapenzi wao au watu wa familia kila siku, kwa mujibu wa data mpya zilizotolewa na ofisi ya Umoja wa Mataifa inayohusika na madawa na uhalifu (UNODC).

Wanasema nyumbani ndilo eneo ambapo kuna uwezekano mkubwa zaidi kwa mwanamke kuuawa.

Zaidi ya nusu ya wanawake 87,000 waliuawa mwaka 2017 waliripotiwa kufa mikononi mwa watu walio karibu nao.

Kati ya idadi hiyo takriban wanawake 30,000 waliuawa na wapenzi wao na wengine 20,000 waliuawa na watu wa familia.

BBC 100 walitaka kujua zaidi wanawake waliojipata kwenye takwimu hizi. Tunakupa hadithi kuhusu baadhi ya mauaji haya na jinsi yaliripiotiwa.

More than half of women killed were victims of relatives or partners
Image caption Zaidi ya nusu ya wanawake waliuawa na wapenzi au jamaa

Idadi ya wanaume wanaouawa bado ni ya juu

Data iliyokusanywa na UNODC ilionyesha kuwa wanaume kote duniani wako na uwezekano mara nne zaidi kuliko wanawake kupoteza maisha kutokana na kuuliwa makusudi

Umoja wa Mataifa unasema kuwa wanaume wanachangia vifo 8 kati ya 10 kote duniani.

Pia ripoti hiyo hiyo inasema kuwa zaidi ya vifo 8 kati ya 10 vya muaji yaliyofanywa na wapenzi ni dhidi ya wanawake.

Women are much more likely to be killed by someone close to them
Image caption Wanawe wako katika hatari zaidi ya kuuliwa na mtu aliye karibu nao

Wanawake arobaini na saba, nchi 21, siku moja

Takwimu za Umoja wa Mataifa zinachambua matokeo ya mwaka 2017 yanayotokana na takwimu za mauaji kutoka kwa serikali.

BBC 100 Women na BBC Monitoring walichukua hatua ya kufahamu zaidi kuhusu wanawake walioathiriwa.

Tulifuatilia wanawake waliouawa na watu wengine Oktoba mosi mwaka 2018 kote duniani. Wanawake 47 walihesabiwa kuuliwa kwa sababu zinazohusu jinsia kwenye nchi 21 tofauti na mengi ya mauaji haya bado yanachunguzwa.

Hivi ni visa vitano vilivyoripotiwa na vyombo vya habari na kisha kuidhinishwa na mamlaka mabzo BBC iliwasiliana nazo.

Judith Chesang Haki miliki ya picha Family handout
Image caption Judith Chesang

Judith Chesang, 22, Kenya

Jumatatu 1 Oktoba Judith Chesang na dada yake Nancy walikuwa shambani wakivuna mtama.

Judith, mama wa watoto watatu alikuwa ametengana na mume wake Laban Kamuren na kuamua kurudi kwa wazazi wake katika kiji kilicho kaskazini mwa nchi.

Mara dada hao walianza kufanya kazi, aliwasili katika shamba la familia akashambulia na kumuua Judith.

Polisi wanasema Laban aliuawa na wanakijiji.

Women in Africa most at risk
Image caption Wanawake barani Afrika ndio walio kwenye hatari zaidi

Afrika ndilo eneo wanawake wako kwenye hatari kubwa zaidi ya kuuawa na wapenzi wao au na mtu wa familia kwa mujibu wa ripoti ya Umoja wa Mataifa. Ilifanyika kwa watu 3.1 kati ya watu 100,000.

Asia ilikuwa na idadi ya juu zaidi ya wanawake waliouwa na wapinzani au watu wa familia mwaka 2017, kwa jumla wanawake 20,000.

Neha Chaudhary Haki miliki ya picha Manohar Shewale
Image caption Neha Chaudhary

Neha Sharad Chaudury, 18, India

Neha Sharad Chaudury aliuawa wakati siku yake ya kuhitimiza miaka 18. Alikuwa ameenda kusherehekea na mpenzi wake. Polisi waliiambia BBC kuwa wazazi wake hawakukubaliana na uhusiano huo.

Wazazi wake na mwanamume mmoja wa familia wanalaumiwa kwa kumuua akiwa nyumbani usiku huo.

Uchunguzi unafanywa na watatu hao wako kuzuizini wakisubiri kushtakiwa.

BBC iligundua kutoka kwa wakili anayewakilisha wazazi wa Neha na mwanamume wa familia kuwa wanataka kukana mashtaka hayo.

Zeinab Sekaanvand Haki miliki ya picha Private via Amnesty International
Image caption Zeinab Sekaanvand

Zeinab Sekaanvan, 24, Iran

Zeinab Sekaanvan alinyongwa na mamlaka za Iran kwa kumuua mume mwake.

Zeinab alizaliwa kaskazini magharibi mwa Iran kwenye familia moja maskini eneo la Kurdi. Alikimbia nyumbani akiwa msichana kuolewa akiwa na matumaini ya kupata maisha mazuri.

Amnesty International inasema mume wake alikuwa anadhulumu na alikataa kumpa talaka na kwamba malalamiko yake yalipuuzwa na polisi.

Alikamtwa kwa kumuua mume wake akiwa na umri wa miaka 17.

Waliomuunga mkono wakiwemo Amnesty wanasema aliteswa ili akiri kumuua mume wake, akapigwa na polisi na hakupata hukumu yenye haki.

Sandra Lucia Hammer Moura Haki miliki ya picha Reproduction / Facebook
Image caption Sandra Lucia Hammer Moura

Sandra Lucia Hammer Moura, 39, Brazil

Sandra Lucia Hammer Moura aliolewa na Augusto Aguiar Ribeiro akiwa na miaka 16.

Wanandoa hao walikuwa wametengana kwa miezi mitano wakati mume wake alimuua.

Polis huko Jardim Taquari waliiambia BBC kuwa alichomwa kisu shingoni.

Walipata video ya mume wakae kwenye simu yake. Kwenye video hiyo alisema Sandra alikuwa na urafiki na mwamamume mwingine na alihisi kuhujumiwa.

Pia alisema kuwa hawezi kukamatwa kwa sababu wote watanda kwa Mungu pamoja. Kisha akajinyonga kwenye chumba chao cha kulala.

Marie-Amélie Vaillat Haki miliki ya picha PHOTOPQR/LE PROGRES/Photo Jean-Pierre BALFIN
Image caption Marie-Amélie Vaillat

Marie-Amélie Vaillat, 36, Ufaransa

Marie-Amélie alichomwa kisu na kuuawa na mume wake, Sébastien Vaillat.

Wanandoa hao walikuwa wametengana baada ya miaka minne ya ndoa.

Alimshambulia kwa kisu kabala ya kukiri kwa polisi. Siku chache baadaye alijiua akiwa gerezani.

Nje ya mlango wa duka la Marie-Amélie Vaillat eneo la Rue Bichat, wenyeji waliacha maua na kupanga kufanya matembezi kwa heshima kwake.

A march in memory of Marie-Amélie Vaillat Haki miliki ya picha PHOTOPQR/LE PROGRES/Photo Jean-Pierre BALFIN
Image caption Makumbusho ya Marie-Amélie Vaillat

Inagharimu nini kisa cha kuuliwa mwanamke kuripotiwa?

Kukusanya ripoti hizi, mtandao ya waandishi wa habari wa BBC Monitoring na watafiti walichambua televisheni, radio, magazeti na mitadao ya kijamii kote duniani, wakiangalia ripoti za wanawake waliouawa tarehe 1 Oktoba mwaka 2018.

Walipata jumla ya ripoti 47 za wanawake walioauawa kote dudiani. Tumechapisha baadhi ya visa hivi. Kuna vingine vingi ambavyo nia yao haijulikani au waliotekeleza hawajatambuliwa.

BBC 100 Women logo

Je wanawake 100 ni nini?

BBC 100 Women huwataja wanawake 100 wenye ushawishi na wenye kutia moyo kote duniani kila mwaka na tunaangazia hadithi zao.

Umekuwa mwaka wenye umuhimu katika masuala ya haki za wanawake kote duniani, kwa hivyo mwaka 2018 msimu wa Wanawake bora 100 wa BBC, utaangazia wanawake waasisi wanaotumia ari, hasira na ghadhabu kushinikiza mageuzi halisi duniani.

Jumuika nasi kwenye Facebook, Instagram na Twitter na tumia #100Women