Mahakama kutoa uamuzi kuhusu wapenzi wa jinsia moja Kenya: Je ni changamoto gani wanazopitia?

The LGBT community is actively taking part in the court proceedings. Haki miliki ya picha Getty Images
Image caption LGBT activists are hoping for a favourable judgement.

''Siku niliwaambia wazazi wangu kwamba mimi ni mpenzi wa jinsia moja, walinitenga, walinifukuza katika nyumba yetu na kuamua kutowasiliana na mimi'' , anasema Alex ambaye sio jina lake kamili, na ambaye anaishi jijini Nairobi. Huo ulikuwa mwanzo wa matatizo yangu''.

Nilitafuta mahali pa kuishi

"Sikuwa na mahali pa kwenda. Nilihisi maumivu moyoni mwangu''.

''Baadhi ya marafiki zangu walitaka kunisaidia lakini hawakuweza baada ya familia zao kukataa. Wengine wachache walitaka kunisaidia lakini kwa lengo la kujamiana nami''.

Lakini Alex ambaye anajitambulisha kuwa mwanamke mwanamume alisaidiwa na mpenzi wake wa kiume ambaye alikuwa na uhusiano naye wakati huo.

Mimi hubaguliwa katika maeneo ya umma .

''Wengi hawataki kunihudumia katika migahawa. Watu wananitenga katika maeneo ya umma''.

Lakini kama wanachama wengine wa wapenzi wa jinsia moja, Alex anasubiri kwa mahakama kuu kutoa uamuzi kuhusu sheria ya kikoloni inayowakandamiza wapenzi wa jinsia moja nchini Kenya.

Uonevu

Mitazamo ya unyanyasaji ipo nchini Kenya. Ni vigumu kwa watu kama Alex kuendelea na maisha yao ya kawaida.

Alinyanyaswa akiwa shule na anaendelea kutengwa na jamii.

Haki miliki ya picha EPA
Image caption Mwandamanaji mpenzi wa jinsia moja jijini Nairobi

"Mimi na mpenzi wangu tulifurushwa na mwenye nyumba wetu wakati alipogundua kuhusu mwelekeo wetu wa kijinsia''.

Huku wanaharakati wakishinikiza kuhalalisha mapenzi ya jinsia moja, makundi ya kidini ikiwemo yale ya Kikristo na Kiislamu yamekuwa yakipinga mabadiliko hayo.

Baadhi ya wapinzani hao wanadai kwamba ni kinyume na utamaduni wa Kiafrika. Wanasema kuwa makabila mengi ya Afrika hayana neno la kutaja wapenzi wa jinsia moja.

Wamekataa kukubali

Alex sasa analifanyia kazi kundi moja la kampeni. Anasema kuwa tabia zimeanza kubadilika.

"Nina dada zungu wawili na ndugu mmmoja wa kiume. Wanazungumza na mimi mara kwa mara. Dada zangu walitaka kuleta amani kati yangu na wazazi wangu , lakini wakihofia chuki kutoka kwa majirani na watu wa familia , wazazi wangu walikataa kunikubali''.

Haki miliki ya picha Getty Images
Image caption Wapenzi wa jinsia moja uhudhuria katika nmahakama ili kujua iwapo sheria inayowakandamiza itabadilishwa

''Siwachukii nawataka wanikubali siku moja''.

Familia imenikataa

Anatamani kujiunga na familia yake ili kusherehekea siku kuu kama ile ya Krisimasi. Tunaishi nje ya familia yetu. Tunataka kuishi ndani ya familia. Natumai kwamba uamuzi mzuri utatolewa ili kubadili tabia miongoni mwetu.

Mwanaharakati wa kupigania haki za kibinaadamu Kawira Mwirishia hajawai kunyanyaswa . Yeye anasema kuwa wazazi wake walikubali hali yake na kumtia moyo.

''Sidhani kwamba jamii kwa jumla wanapinga wapenzi wa jinsia moja. Rais wetu anasema hili sio tatizo. lakini mara kwa mara viongozi wanaowakilisha wahafidhina wanajitokeza na kutoa vitisho''.

Hofu ya Ubakaji

Lakini amepata hadithi nyingi za kuumiza kutoka kwa marafiki zake

Haki miliki ya picha AFP
Image caption Wapanzi wa jinsia moja hupigania haki zao mara kwa mara

''Ninawajua watu ambao wamebakwa''

Ni tukio ambalo wapenzi wa jinsia moja wa kike hubakwa na wanaume ili 'kuwatibu' ,mwelekeo wao wa kijinsia.

Neno "corrective rape" liligonga vichwa vya habari duniani 2008 wakati Eudy Simelane, mchezaji wa soka wa zamnai nchini Afrika Kusini alibakwa na genege la watu , kupigwa na kudungwa kisu hadi kufariki.

Wanawake waliobakwa huteseka kimya kimya kwa kuwa iwapo watakwenda kwa maafisa wa polisi wanahofia kukamatwa.

Iwapo watabadili sheria hiyo dhidi ya wapenzi wa jinsia moja hali itaimarika

Hukumu jela

Haki miliki ya picha EPA
Image caption A LGBT protest in Nairobi

Chini ya sheria, mtu atakayepatikana na hatia ya kushiriki katika mapenzi ya jinsia moja atahukumiwa kifungo cha miaka 14 jela .

Lakini kama wanaharakati wa kibinaadamu wanavyosema sheria hiyo haijawahi kutumika.

''Ni watu wawili pekee walioshtakiwa katika kipindi cha miaka 10'', alisema Neela Ghoshal kutoka kundi moja la wanaharakati.

Lakini makundi ya LGBT hukumbwa na unayanyasaji kutoka kwa maafisa wa polisi na makundi mengine. Unayanyasaji dhidi ya wapenzi wa jinsia moja hufanyika sana mjini badala ya vijijini.

Tume ya wapenzi wa jinsia moja pekee imetoa usaidizi kwa takriban watu 1500 tangu 2014.

Hofu dhidi ya ghasia imewashinikiza wapenzi wengi wa jinsia moja kutoroka taifa hilo na kutafuta uhifadhi katika mataifa ya magharibi , kama vile Kenneth Macharia ambaye ametafuta hifadhi nchini Uingereza.

Kwa sasa anaichezea klabu ya raga inayowakumbatia wapenzi wa jinsia moja Bristol Bisons.

Haki miliki ya picha AFP/Getty
Image caption LGBT wanakabiliwa na upinzani mkubwa kutoka kwa makundi ya kidini

Hukumu ya kifo

Katika maeneo ya taifa la Somalia , taifa linalogawana mpaka na Kenya , wapenzi wa jinsia moja huuwawa.

Nigeria, Sudan na Mauritania pia hutoa hukumu kama hiyo. Mataifa 34 kati ya 54 ya bara Afrika hutoa hukumu ya jela kwa wapenzi wa jinsia moja.

Duniani mataifa 70 nusu yao yale yaliotawaliwa na Uingereza yanamiliki sheria dhidi ya wapenzi wa jinsia moja.

Nchini Kenya wapenzi wa jinsia moja wameamua kuwa wazi kuhusu mwelekeko wao wa kijinsia .

Lakini tishio la kupigwa bado wanaendelea kuwa nalo.

Vijana

''Mimi hufikiria jinsi ninavyovaa na kile ninachofanya. Kile ambacho mtu angefikiria kunihusu. Sijui ni nani nitakutana naye'', alisema Tumaini ambaye hakutaka kutumia jina lake sahihi.

'' Watu hunong'ona nyuma yangu . Na iwapo ni rafiki yangu tutajadiliana. Iwapo ni mtu nisiyemjua nitaondoka haraka iwezekanavyo''.

Anasema kuwa baadhi ya marafiki na watu wa familia yake walimtenga walipogundua kwamba anashiriki mapenzi ya jinsia moja.

Maelezo zaidi kuhusu taarifa hii