Maajabu ya aliyejifungua chooni bila kujua ana ujauzito

Baby Hagger Haki miliki ya picha Vivienne Hagger
Image caption Mtoto aliyezaliwa chooni huku mama yake alikuwa hajui kama ni mjamzito

Mwanamke mmoja alipata zaidi ya alichokuwa amekinunua alipoenda dukani kununua mahitaji yake. Alitoka dukani akiwa mama wa mtoto wa kiume.

Kylie Hagger, mwenye umri wa miaka 21, alikuwa hafahamu kuwa yeye ni mjamzito na muda mfupi baada ya kufika dukani alijihisi anahitaji kwenda chooni kujisaidia.

Lakini kumbe alikuwa anataka kujifungua jambo ambalo hata yeye mwenyewe alikuwa halifahamu.

Wafanyakazi wa dukani hapo iliwabidi wamsaidie kabla ya mhudumu wa afya hajafika.

Mwanamke alieleza hali iliyomtokea kuwa ni ya kushangaza lakini ilikuwa ni siku ya maajabu kwake na kuwashukuru wafanyakazi wa dukani hapo na watu wengine waliokuepo kumsaidia na mahitaji ya mtoto kwa haraka.

Bi. Hagger , ambaye ana watoto wengine wawili, alikuwa hana wazo kuwa ana ujauzito, alisema mama yake Hagger.

Uzazi huo wa kustahajabisha ulitangazwa kwenye mitandao ya kijamii wa jumuiya ya Wisbech; " Tunahitaji watu wenye ukarimuwa kama wa watu wa Wisbech , alijifungua mtoto wake chooni- Alikuwa hafahamu chochote kuwa ana ujauzito, mahitaji yoyote ya mtoto yanapokelewa- Asanteni sana."

Wakazi wa Cambridgeshire walijitokeza kumsaidia mahitaji mbalimbali ya mtoto.

Na jana mama huyo aliweka picha yake akiwaa na mtoto katika mitandao ya kijamii.

"Ninataka kuwashukuru kila mmoja aliyejitokeza kunisaidia kwa kuchangia nguo, vyombo vya mtoto na vitu vingine vingi, ninashukuru sana." aliandika mama huyo aliyejifungua bila kutarajia.

"Mimi na mtoto wangu tuko salama na afya njema,"aliandika Hagger.

Haki miliki ya picha Geograph/Richard Humphrey

Mmiliki wa duka lililomsaidia mwanamke huyo kujifungua aliwasifu wafanyakazi wake wawili waliomsaidia Hagger kujifungua mtoto salama.

"Sijui ni namna gani mliweza kufanya kazi hiyo ya ukunga lakini labda inawezekana tukawasaidia mama wengine wengi kujifungua hapa pia" mmiliki wa duka.

Mada zinazohusiana

Maelezo zaidi kuhusu taarifa hii