Idadi ya watu waliouawa katika shambulio la uvamizi wa alshabab yafikia watu 26

Hasara iliyosababishwa na shambulio katika mji wa Kismayo nchini Somalia
Image caption Wanamgambo wa Alshaabab wanasemekana kugonga gari lililokuwa limesheheni vilipuzi

Takriban watu 26 , akiwemo imwandishi wa habari na raia wa kigeni kadhaa wameuawa katika shambulio la katika mwambao wa kusini mwa Somalia wa Kismayo. Vikosi vya usalama katika mji wa vimemaliza makabiliano ya usiku kucha na wanamgambo walioishambulia hoteli maarufu na kuwauwa watu karibu 10.

Miili ya watu waliouawa imeondolewa kutoka kwenye hoteli hiyo huku msako ukiendelea kufuatia shambulio kubwa zaidi kuwahi kutokea mjini Kismayo kwa miaka kadhaa Kismayo kwa miaka kadhaa.

Image caption Mmoja wa watu waliojeruhiwa katika shambulio la Alshabab mjini Kismayo akiangaliwana daktari baada ya kuwasili jijini Nairobi kwa matibabu zaidi

Majeruhi wa shambulio hilo wanapatiwa matibabu na baadhi wamewasili leo mjini Nairobi Kenya kwa ndege kwa ajili ya matibabu zaidi.

Shambulio ambalo lilianza kwa mlipuko wa bomu la kutegwa ndani ya gari lililokuwa kwenye lango la hoteli ya Easey lilidumu kwa muda wa saa kadhaa huku vikosi vya usalama vikikabiliana na wapiganaji waliokuwa na silaha nzito hadi asubuhi.

Image caption Wanamgambo wa Alshaabab wanasemekana kugonga gari lililokuwa limesheheni vilipuzi

Miongoni mwa watu waliouawa ni pamoja na mwandishi wa habari maarufu mwenye uraia wa Canada na Somalia Hodan Nalayeh na mumewe.

Walioshuhudia wanasema maafisa wa ngazi ya juu wa kisiasa akiwemo mgombea wa urais katika uchaguzi ujao katika jimbo la Jubaland pia aliuawa.

Hodan atakumbukwa kwa kazi yake katika kuwapa moyo vijana na kupigania amani na ujenzi upya wa nchi ya Somalia iliyokumbwa na vita.

Alianzisha Intergration TV -kipindi kilichopeperusha matangazo yake kwa lugha ya kiingereza kupitia mtandao ambapo alitangaza vipindi juu ya hadithi na taarifa kuhusu maisha nchini Somalia na wasomali wanaoishi nchi za kigeni.

Vyombo vya habari katika eneo hilo na muungano wa waandishi wa Somali unasema kuwa Nalayeh ,43, pamoja na mumewe ni miongoni mwa wale waliouawa.

Baada ya shambulio hilo wakazi wa mji wa Kismayo wameshuhudia uharibifu mkubwa, huku majengo ya hoteli ya Hoteli ya Asasey , magari na na majengo mengine vikiharibiwa vibaya.

Image caption Hasara iliyosababishwa na shambulio katika mji wa Kismayo nchini Somalia

Haijulikana iwapo washambuliaji hao walisalia ndani ya hoteli hiyo baada ya mlipuko huo au la.

Afisa wa usalama Abdi Dhuhul aliambia chombo cha habatri cha AFP kwamba waziri mmoja wa utawala wa eneo hilo pamoja na wakili ni miongoni mwa waliofariki.

Vyombo vya habari katika eneo hilo na muungano wa waandishi wa Somali unasema kuwa Nalayeh ,43, pamoja na mumewe ni miongoni mwa wale waliouawa.

Maafisa na wale walionusurika wanasema kuwa mlipuaji wa kujitolea muhanga aligongesha gari lililojaa vilipuzi katika Hoteli ya Asasey katika bandari ya Kismayo kabla ya washambuliaji hao kuvamia jengo hilo.

Nalayeh na mumewe wameripotiwa kuwa miongoni mwa wale waliouawa.

Kundi la wapinganaji la al-Shabab limekiri kutekeleza shambulio hilo.

Walioshuhudia wanasema kuwa walisikia milio ya risasi baada ya bomu lililokuwa ndani ya gari hilo kulipuka.

Haijulikana iwapo washambuliaji hao walisalia ndani ya hoteli hiyo baada ya mlipuko huo.

Afisa wa usalama Abdi Dhuhul aliambia chombo cha habatri cha AFP kwamba waziri mmoja wa utawala wa eneo hilo pamoja na wakili ni miongoni mwa waliofariki.

Runinga ya Integration TV - inayoonyesha kipindi cha lugha ya kiingereza kilichoandaliwa na kutangazwa na Nalayeh - kiliambia BBC hakijathibitisha habari hizo.

Mwandishi wa BBC Farhan Jimale alimtaja kuwa mtu mwenye 'nafsi nzuri'.

Nalayeh alitumia runinga hiyo kuelezea hadithi kuhusu maisha nchini Somalia na ughaibuni .

Alihamia nchini Canada na familia yake alipokuwa na umri wa miaka sita kabla ya kuwa mtu maarufu wa jamii ya Somalia nchini humo.

Lakini mama huyo wa watoto wawili alikua amerudi nchini Somalia hivi karibuni.

Muungano huo wa waandishi unasema kuwa Nalayeh na ripota mwengine kwa jina Mohamed Omar Sahal walikuwa watu wa kwanza kuuawa nchini humo mwaka huu.

Kundi la wapiganaji wa al-Shabab lilifurushwa mjini Kismayo 2012 na bandari hiyo imekuwa na amani katika miaka ya hivi karibuni ikilinganishwa na maeneo mengine ya kusini na katikati ya Somalia.

Wapiganaji hao wamekuwa wakitekeleza mashambulio ya mara kwa mara katika mji mkuu wa Mogadishu , licha ya kuwepo kwa idadi kuu ya wanajeshi wa Umoja wa Afrika pamoja na wale wa Somalia waliofunzwa Marekani.

Mada zinazohusiana