Coronavirus: Visa vinne vipya vya coronavirus vyathibitishwa Kenya

Waziri wa afya wa Kenya Mutahi Kagwe amehimiza kila Mkenya kuzingatia usafi ili kuepuka maaambukizi ya coronavirus.
Image caption Waziri wa afya wa Kenya Mutahi Kagwe amehimiza kila Mkenya kuzingatia usafi ili kuepuka maaambukizi ya coronavirus.

Kulingana na waziri Kagwe visa vinne vilivyoongezeka vya COVID-19 vinalifanya taifa hilo kuwa na jumla ya visa 42, tangu kisa cha kwanza kiliporipotiwa tarehe 13 Machi.

Visa hivyo ni pamoja na Mkenya mmoja, raia mmoja wa Cameroon, Mmarekani mmoja na raia mmoja wa Burkina Faso . Akitoa taarifa kuhusu janga la coronavirus

Bwana Kagwe amewashauri Wakenya wote kushirikiana kuzuwia maambukizi ya corona badala ya kuuachia mzigo huo serikali pekee:'' Tunahitaji kufikiria jinsi ya kushughulikia tatizo hili kama serikali, jamii na kila mkenya'', amesisitiza Bwana Kagwe.

Amewaomba Wakenya kuwa tayari kwa hali yoyote inayoweza kujitokeza kutokana na virusi hivi na akasisitizia umuhimu wa waajiri kuwaruhusu wafanyakazi wao kuondoka kazini mapema kabla muda wa maruku ya kutotoka nje inayoanza saa moja jioni haijaanza kutekelezwa.

'Si haki kuwaachilia wafanyanyakazi muda wa kutotoka nje unakaribia, kama haitawezekana basi waajiri wawapatie malazi wafanyakazi wao'' amesema waziri Kagwe.

Aidha amehimiza kila Mkenya kusingatia usafi ili kuepuka maaambukizi ya coronavirus.

Waziri huyo amesema kuwa licha ya juhudi zinazofanywa na serikali kuimarisha miundombinu yake ili kuweza kukabiliana na maambukizi, Benki ya dunia imetoa pia msaada wa vfaa vya kusaidia wagonjwa kupumua(Ventilators) 250 na akasemajuhudi zinafanyika kupata vifaa zaidi vya matibabu.

''Kuanzia wiki ijayo tutaanza kutengeneza zana za watu kijilinda binafsi , Vitanda vya wagonjwa mahututi 1000 vitaongezwa kwenye hospitali zetu ICU birds-1000 beds zaidi. Tutaanza kutengeneza barakoa hivi karibuni.Kila siku tunaendelea kujenga uwezo wa vifaa vya kimatibabu'' amesema waziri Kagwe

Wakati huo wahudumu wa afya wanatazamiwa kuajiriwa katika kila hospitali kadr watakapohitajika ambapo Bwana Kagwe amesema serikali inataka kuwaajiri maafisa wa afya walau 1000 hivi karibuni.

Hatua zilizotangazwa na serikali ya Kenya kudhibiti coronavirus hivi karibuni

Wiki hii rais wa Kenya Uhuru Kenyatta alitangaza hatua kadhaa ambazo zitasaidia serikali yake kukabili janga la corona ikiwa ni pamoja na amri ya kutotoka nje kuanzia Ijumaa Machi 27 kuanziasa moja usiku hadi saa kumi na mbili asubuhi.

Image caption Ushuru wa ziada utapunguzwa kutoka asilimia 16% hadi 14% kuanzia Aprili 2020

''Orodha kamili ya watu wanaotoa huduma muhimu ambao hawatathiriwa na amri hio itatolewa na wizara ya ya usalamma wa ndani'' alisema rais Kenyatta.

Ushuru wa ziada utapunguzwa kutoka asilimia 16% hadi 14% kuanzia Aprili 2020.

Rais ametangaza hatua ya kupunguza mshahara wake kwa asilimia 80 huku mawaziri wake wakipunguza mshahara wao kwa asilimia 30.

Rais na naibu wa rais wamekubali kupunguza asilimia 80 ya mishahara yao kwa hiari huku mawaziri na makatibu wa kudumu wakikubali kupunguziwa asilimia 30 ya mshahara wao kwa asilimia 30.

Haki miliki ya picha EPA
Image caption Wakenya watashuhudia kupungua kwa ushuru wa ziada utapunguzwa kutoka asilimia 16% hadi 14% kuanzia Aprili 2020.

Uhuru alitoa wito kwa asasi nyingine za serikali kufuata nyayo kwa kupunguza kwa hiari mishahara yao wakati huu taifa linapokabiliana na janga la coronavirus.

Wafanyakazi wote wa serikali walio na umri wa miaka 50 na zaidi wataruhusiwa kuchukua likizo au kufanya kazi kutoka nyumbani.

Pia alitangaza kutolewa kwa dola milioni mia moja kwa ajili ya kuwasaidia watu wasiojiweza, mkiwemo wazee na yatima.

Amesema ameamrisha watu wawanaolipwa mshahara wa dola 240 kwa mwezi wasitozwe ushuru.

Huku wale wanaolipwa shahara zaidi ya mshahara huo wakipunguziwa ushuru kwa asilimi tano.

Mabadiliko hayo ya kiuchumi yataanza kutekelezwa Aprili tarehe moja baada ya kuidhinishwa na bunge.

Bwana Kenyatta amesema hatua hizo zimechukuliwa kutokana na mienendo ambayo haizingatii hatua zilizochukuliwa za kukabiliana na coronavirus na akaonya kuwa hatua nyingine zaidi zitachukuliwa kulingana na mienendo yao.

Hatua zilizochukuliwa hivi karibuni kudhibiti coronavirus

Tangu Siku ya Jumapili hatua za dharura zilizochukuliwa ni pamoja na kufungwa kwa baa zote na wenye hoteli kuruhusiwa tu kuuza chakula cha kwenda kula nyumbani.

Ibada za Kanisa na Swala za pamoja Misikitini zimesitishwa huku mazishi ya kiruhusiwa kuhudhuriwa na familia ya marehemu pekee.

Sherehe za harusi pia zimepigwa marufuku.

Masharti mengine ya kuzuia maambukizi Kenya

  • Ndege za kimataifa zitasitishwa kuanzia Jumatano Machi 25 ispokuwa ile ya kubeba mizigo
  • Wageni wote wanaongia nchini kutoka mataifa yaliyoathiriwa watalazimika kujitenga binaffsi kwa gharama zao.
  • Wakenya katika mataifa ya kigeni wametakiwa kufuata muongozo wa nchi husika
  • Atakayekiuka maagizo ya karantini atakamatwa kama iafisa wa ngazi ya juu wa serikali aliyetiwa mbaroni pwani ya Kenya.

Huku hayo yakijiri serikali imetangaza kuwa itamfikisha mahakamani naibu wa gavana wa jimbo la Kilifi pwani ya Kenya kwa kukaidi maagizo ya kujiweka karantini binafsi baada ya kuwasili nchini wiki iliyopita. Kwa sasa anazuiliwa katika kituo cha serikali cha kuwatenga watu walio na ugonjwa wa corona.

Unaweza pia kutazama:

Huwezi kusikiliza tena
Coronavirus: Utajuaje kuwa umeathirika na virusi?

Mada zinazohusiana