VITAL KAMERHE

Kamerhe Haki miliki ya picha
Image caption Mtindo kama wa Brazil

Vital Kamerhe, 52, aliwahi kuwa mshirika wa rais Kabila, lakini sasa yuko upande wa upinzani.

Akiwa mmoja wa waasisi wa chama cha PPRD cha Kabila, Bw Kamerhe aliongoza kampeni za urais mwaka 2006 za Kabila.

Baadaye alikuwa spika wa bunge, hadi alipozozana na rais kuhusiana na makubaliano ya siri na rais ya kuruhusu Rwanda kupeleka wanajeshi wake mashariki mwa nchi kuwasaka waasi mapema mwaka 2009.

Bw Kamerhe ni mzaliwa wa upande wa mashariki katika mkoa wa Kivu, na aliojitoa serikalini na kuanzisha chama chake cha UNC.

Vital Kamerhe ni mwanasiasa na msomi anayezungumza vyema Kifaransa na Kiingereza, pamoja na lugha rasmi nne za Jamhuri ya Kidemokrasi ya Kongo.

Anajiuza kwa wapiga kura wake -- kama mfano kwa kujifananisha na rais wa zamani wa Brazil Ignacio Lula da Silva.

"Nina uhakika kuwa eneo letu kijiografia na rasilimali, DRC kwa sasa ni kama tembo aliyelala, na ataamka kama Brazil," alisema.

Mtindo wake wa kufanya kampeni ni wa kiubunifu, akifanya mikutano katika maeneo wanaoishi watu maskini na kufanya mihadhara ya majadiliano ambapo watu wanakuwa huru kumuuliza maswali moja kwa moja.

Lakini wafuasi wengi wa upinzani bado wanamuona kama mtu aliye karibu sana na Bw Kabila, na ni mmoja wa wagombea 10 wanaotaka kuchukua kura kutoka kwa rais.