Iran itazusha vita baridi

Waziri wa mashauri ya nchi za nje wa Uingereza, William Hague, ameonya kuwa azma ya Iran ya kuwa na silaha za nuklia, itaitumbukiza Mashariki ya Kati katika vita baridi vipya.

Haki miliki ya picha Getty

Bwana Hague alisema iwapo Iran itafanikiwa kutengeneza silaha za nuklia, mataifa mengine katika eneo hilo, nayo yatataka kufanya vivyo.

Na hiyo itasababisha duru ya mashindano ya nuklia makubwa kabisa tangu silaha za nuklia kuanza kutumika miaka ya 1940s.

Akihojiwa na gazeti la Daily Telegraph, Bwana Hague alisema yeye hatopenda kuona suluhu ya kijeshi dhidi ya Iran.

Alisema mataifa ya Magharibi yanafaa kuendelea na sera ya vikwazo vya kiuchumi na chagizo, huku yakifanya mazungumzo na Iran.