Uchaguzi waanza nchini Marekani

Imebadilishwa: 6 Novemba, 2012 - Saa 11:23 GMT

Wagombea Barack Obama na Mit Romney

Baada ya kampeni za miezi kadhaa , vituo vya kupiga kura vinatarajiwa kufunguliwa hivi karibuni katika uchaguzi wenye ushindani mkali na ambao ulikuwa na kempeini zenye kugharimu pesa nyingi zaidi kuwahi tumika katika historia za uchaguzi Marekani.

Rais Obama alitoa wito wake wa mwisho kwa wapiga kura katika mkutano wa kisiasa uliofanyika katika jimbo la Iowa hapo jana.

Ushindani katika uchaguzi huu ni mkali sana na mpinzani wa rais Obama wa chama cha Republican Mitt Romney amekuwa akiyazuru mara kwa mara majimbo mawili makuu Ohio na Pennsylvania.

Kura ya mwisho ya kutafuta maoni iliashiria kuwa rais Obama anaongoza katika majimbo mengi ambayo wagombea wote wana nafasi.

Lakini kura hiyo inaashiria pia huenda idadi ya watu watakao jitokeza kupiga kura ikawa kubwa miongoni mwa wafuasi wa Romney

Kura za kwanza zilipigwa katika eneo la Dixville Notch katika jimbo la New Hampshire ambapo wagombea wote walitoka sare.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.