Djonkovic amshinda Federer

Imebadilishwa: 13 Novemba, 2012 - Saa 15:02 GMT
Novak Djonkovic

Novak Djonkovic

Mchezaji nambari moja duniani, katika mchezo wa Tennis kwa upande wa wanaume, Novak Djonkovic, amesema ushindi wake katika fainali ya mashindano ya ATP yaliyomalizika mjini London, ni afueni na ushindi kwa babake ambaye anaugua.

Mchezaji huyo kutoka Serbia, alimshinda Rogger Federr kwa seti mbili kwa mbila za 7-6(8-6) na 7-5 kushinda fainali hiyo iliyochezwa katika ukumbi wa O2 Arena.

Baada ya ushindi huo, Djonkovic, alisema alipewa motisha na babake Srdjan, ambaye anasemekana anauguza maradhi ya pumu.

Amekiri kuwa mafanikio yake ya kumaliza msimu katika nafasi ya kwanza mwaka huu, yamewiana na matokeo yake ya mwakwa uliopita ambapo pia alishinda mataji matatu kati ya nne nakuandikisha historia ya kutoshindwa katika mechi 43.

Wakati wa mechi hiyo kali, Djokovic alizidiwa nguvu mara kadhaa na mpinzani wake, lakini alijikakamua na kutoka nyuma na kumshinda Federer, katika mechi hiyo iliyodumu kwa saa mbili na dakika kumi na nne.

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.