Zuma achahuliwa tena kuongoza ANC

Imebadilishwa: 18 Disemba, 2012 - Saa 10:51 GMT
Wajumbe wa chama cha ANC

Wajumbe wa chama cha ANC

Rais Jacob Zuma amechaguliwa kwa mara nyingine kuwa kiongozi wa chama tawala nchini humo cha African National Congress ANC.

Zuma alipata idadi kubwa ya kura zilizopigwa na wajumbe elfu nne wa chama hicho wakati wa mkutano wao uliofanyika Mangaung.

Tangu mwanza wa zoezi hilo, Rais Zuma, alitarajiwa kushinda na idadi kubwa ya kura dhidi ya mpinzani wake wa pekee ambaye pia ni naibu makamu wa rais Kgalema Motlanthe.

Bwana Motlanthe sasa amepoteza nafasi yake ya naibu kiongozi wa chama hicho na mahala pake pamechukuliwa na mfanyabiashara maarufu na mwanaharakati dhidi ya ubaguzi wa rangi Cyril Ramaphosa, ambaye sasa atakuwa makamu wa rais wa Afrika Kusini.

Ramaphosa makamu mpya wa rais

Rais wa Afrika Kusini Jacob Zuma

Rais wa Afrika Kusini Jacob Zuma

Mshindi wa nafasi hiyo ndiye atakayekuwa na nafasi ya kushinda uchaguzi wa mwaka 2014.

Chama cha ANC kimeshika hatamu nchini Africa Kusini tangu kumalizika kwa utawala wa ubaguzi wa rangi mwaka 1994.

Polisi nchini humo, hapo jana waliwatia mbaroni watu wanne baada ya taarifa kuzagaa kwamba walikuwa na mpango wa kulipuwa ukumbi unaotumiwa na wajumbe hao wa chama cha ANC.

Baada ya uchaguzi huo kucheleweshwa kwa masaa kadhaa, zoezi la kupiga kura lilianza saa sita usiku na kukamilika majira ya saa moja asubuhi kwa saa za Afrika Kusini.

Makamu wa Rais wa Afrika Kusini

Makamu wa Rais wa Afrika Kusini

Wajumbe hao walioonekana wamechoka huku wakijifunika mablanketi walionyesha vidole vyao vikiwa na alama ya wino.

Wajumbe hao wamekuwa wakipiga kura kwa ajili ya nafasi ya uongozi wa juu wa chama hicho.

Wafuasi wa rais Zuma, tayari wanaendelea kusheherekea, kufuatia ushindi huo mkubwa.

Rais Zuma analaumiwa kwa kushindwa kupunguza umaskini au kutatua tatizo la ufisadi ndani ya chama cha ANC na serikali, wakati mwezi wa nane mwaka huu watu walishangazwa na jinsi polisi walivyowapiga risasi na kuwauwa wachimba madini 34 ambao walikuwa wamegoma.

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.