Chama cha Nieto kupata ushindi Mexico

Haki miliki ya picha AFP
Image caption Makatatasi ya kupigia kura nchini Mexico

Huku kura zikiendelea kuhesabiwa nchini Mexico inaelekea chama cha mapinduzi cha rais Enrique Pena Nieto, kinaelekea kupata ushindi licha ya hasira za wapigaji kura kwamba, uongozi huo haujapambana na kumaliza vitendo vya uhalifu mkubwa nchini humo na vilevile kashfa za kisiasa.

Kumekuwa na vitendo vya kujaribu kuvuruga kura hiyo na hata baadhi ya wapiga kura kuisusia. Baadhi ya wapigaji kura wameelekeza hasira zao kwa kuchoma karatasi za kura.

Haki miliki ya picha AP
Image caption Rais Enrique Pena akiwa na familia

Ilibidi maafisa wanaosimamia uchaguzi katika jimbo la Guerrero kusitisha zoezi hilo baada ya kukabiliwa na wazazi wa wale wanafunzi 43 waliopotea katika mazingira tata.

Karatasi za kupigia kura pia zilichomwa katika majimbo ya Chiapas na Oaxaca, na ilibidi vikosi vya walinda usalama kuingilia kati.

Tangu wiki jana kumekuweko na maandamano yaliyoongozwa na chama cha walimu wanaodai mageuzi ya kuboresha secta ya elimu nchini humo.