Kila kitu kijijini humu ni cha Obama: Wapi ?

Haki miliki ya picha AP
Image caption Rais Obama anatarajiwa kuzuru Kenya mwisho wa juma hili

Hata baada ya Ubalozi wa Marekani kutanganza kuwa Rais Barack Obama hakusudii kutembelea eneo alikozaliwa baba yake Kogelo Magharibi mwa Kenya, bado matarajio ni makubwa miongoni mwa raia.

Kogelo, kijiji ambacho hakikujulikana hata nchini Kenya zaidi ya miaka kumi iliyopita, hivi sasa kinatajwa katika magazeti, radio na televisheni kote duniani kama nyumbani kwa babake rais Barack Obama, Barack Hussein Obama Senior.

Image caption Kila kitu kijijini humu kinahusiana na Obama

Hapa kuna kila dalili kuwa huenda mgeni anatarajiwa.

Makaburi ya babu yake rais Obama, Hussein Onyango Obama na Barack Obama Senior, yamewekwa vigae vipya na tayari kokoto kumwagwa pembeni kuzuia vumbi iwapo wageni watakuja.

Haki miliki ya picha AFP
Image caption Hapa kuna kila dalili kuwa huenda mgeni anatarajiwa.
Image caption Hata tiba inahusiana na Obama

Licha ya maandalizi yanayoendelea kwenye boma la Mama Sara Obama wakaazi wa eneo lote la Nyanza, wanakotoka watu wa kabila la Waluo, alikozaliwa babake Rais Obama wana hasira kubwa kwa kile wanataja kupuuzwa na Serikali ya Marekani.

Oliver Tambo alieleza masikitiko yake: "Tunamkaribiha Rais Obama huku kwetu.

''Tunamwongojea kwa hamu sana.''

''Lakini tumekasirishwa sana kwa Ikulu ya White House kukataa kumruhusu.''

''Wamruhusu aje nyumbani kwa sababu yeye ni mwana wa hapa kwetu."

Mwingine aliyeudhika ni Peter Malenya, "Ingekuwa bora kama Rais wa Marekani, Barack Obama, ambaye mizizi yake iko hapa Kenya, akifika aende kule Alego kwa asili yake ili amsalimie nyanya yake.''

''Hakuna mtu wa kukupangia wakati unapotaka kotoka kwenu au kumwoa dada yako."

Haki miliki ya picha AFP
Image caption Iwapo sio rais Obama ni babake Sr Obama

Nyanyake Rais Obama, Mama Sarah Obama, aliniambia kuwa hana shaka kwamba mjukuu wake atafika kwa kuwa walikuwa naye Novemba, mwaka jana katika Ikulu ya White House, ambako aliahidi kuwa atafika nyumbani kijijini.

"Yeye ataingia hapa (Kogelo) kwa sababu.

Haki miliki ya picha b
Image caption Lazima atafika hapa kuona kaburi la baba yake," Mama Sarah Obama

''Yeye ananipenda sana na anapenda boma hili pia.''

''Lazima atafika hapa kuona kaburi la baba yake," Mama Sarah Obama alinieleza.

Haki miliki ya picha Reuters
Image caption Watoto waliozaliwa punde baada ya ziara yake Obama wote wanaitwa Barack Obama

Tunapochapisha habari hizi, Ubalozi wa Marekani tayari umesema kuwa ratiba ya Rais Obama haishirikishi kwenda kwake kijiji cha Kogelo lakini bado kuna wale wanaoishi kwa matumaini wanaosema huenda akaenda huko kibinafsi na kwa hivyo kumwona nyanyake sio lazima kuwekwe katika ratiba yake kwa umma.