Wahamiaji 2000 waokolewa Mediterranea

Haki miliki ya picha AFP
Image caption Walinzi wa italia wanasema kuwa takriban wahamiaji 3,000 wako mashakani

Walinzi wa pwani wa Utaliano wanasema kuwa waliaongoza shughuli za kuwaokoa wahamiaji 2,000 hivi ambao walituma ishara ya kuwa taabani kwenye mashua nje ya pwani ya Libya. Mashua kadha zinashiriki katika uokozi.

Haki miliki ya picha AP
Image caption Mashua kama 18 za raba na mashua nyengine zilizojaa wahamiaji zimetuma ujumbe kwamba ziko mashakani.

Bahari baina ya Libya na Utaliano, ndio njia inayotumiwa kwa muda mrefu, na wakimbizi kutoka Afrika na Mashariki ya Kati, ili kuingia Ulaya.

Kati ya wahamiaji 264,500 Umoja wa mataifa unasema kuwa bahari ya Mediterranea ndio kivukio maarufu.

Kufikia sasa takriban watu laki moja wamewasili katika ufukwe wa Italia .

Haki miliki ya picha AFP
Image caption Manuari ya Kijeshi ya Norway ilikuwa imewaokoa wahamiaji 320 jumamosi asubuhi

Wengine zaidi ya laki moja u nusu 160,000 waliwasili Ugiriki.

Jarida moja la Norway Aftenposten, limesema kuwa manuari ya kijeshi ya taifa hilo Siem Pilot, liko njiani kuwasaidia wahamiaji hao walioko mashakani.

Manuari hiyo iliwaokoa wahamiaji 320 mapema leo kabla ya kurejeshwa tena huko huko kushiriki operesheni hii ya kuoko nafsi za watu wanaokisiwa kuwa takriban 3,000.