Watoto 10 wauawa katika mlipuko Afghanistan

Haki miliki ya picha Reuters
Image caption Mlipuko

Mlipuko mkubwa nje ya kituo cha kusambaza gesi katika mji wa Herat nchini Afghanistan, umesababisha vifo vya watoto kumi na mtu mzima mmoja.

Msemaji wa hospitali amesema kwamba watu wengine 18 wamejeruhiwa katika eneo hilo ambalo hutumika kama kambi ya wakimbizi.

Picha katika mitandao ya kijamii inaonyesha miale ya moto juu angani.

Haijabainika iwapo mlipuko huo ulikuwa ajali , au shambulio.