Maandamano Haiti kuhusu wizi wa kura za urais

Haki miliki ya picha AFP
Image caption Maandamano Haiti kuhusu wizi wa kura wa urais

Hali katika mji mkuu wa Haiti ni tete baada ya wafuasi wa mgombea mmoja wa kiti cha urais kuzusha rabsha.

Waandamanaji hao wafuasi wa mgombea maarufu wa kiti cha urais nchini Haiti wamewasha moto magurudumu ya magari na kuweka vizuzi mabarabarani.

Haki miliki ya picha AP
Image caption Waandamanaji hao walijitokeza mabarabarani baada ya mgombea wanaomuunga mkono Moise Jean-Charles, kudai kuwa kura zake zimeteketezwa moto ama kufichwa.

Wanaiishtumu tume ya uchaguzi nchini humo kwa kukiuka kanuni na utendaji wa uchaguzi huru na wa haki.

Waandamanaji hao walijitokeza mabarabarani baada ya mgombea wanaomuunga mkono Moise Jean-Charles, kudai kuwa kura zake zimeteketezwa moto ama kufichwa.

Haki miliki ya picha Reuters
Image caption Hayo yametokea licha ya uchaguzi mkuu wa urais kulindwa kwa kiasi kikubwa mno na walinda usalama wa umoja wa mataifa.

Seneta huyo wa zamani ameishtumu tume ya uchaguzi kwa kupendelea mgombea mmoja na hivyo kupanga njama ya kupunguza idadi ya kura zake.

Hayo yametokea licha ya uchaguzi mkuu wa urais kulindwa kwa kiasi kikubwa mno na walinda usalama wa umoja wa mataifa.

Haki miliki ya picha Reuters
Image caption Matokeo ya kimsingi yanatarajiwa kutangazwa juma lijalo.

Waangalizi wa umoja wa matafa wamesifu utendaji kazi wa tume hiyo ya uchaguzi wakisema kuwa kwa kiasi kikubwa uchaguzi huo ulikuwa wa haki .

Hata hivyo maafisa wamepigwa na butwaa baada ya madai hayo ya kuibiwa kura kuibuka na sasa wameanzisha uchunguzi kutathmini ukweli wake.

Matokeo ya kimsingi yanatarajiwa kutangazwa juma lijalo.

Haki miliki ya picha AP
Image caption Polisi mmoja alifumaniwa akiendesha gari lililokuwa limejaa makaratasi ghushi ya kura ambayo yalikuwa yameshajazwa.

Madai ya watu kuruhusiwa kupiga kura zaidi ya mara moja yameibuka huku wengine wakidai kuwa kulikuwa na njama ya kutoa vitambulisho ghushi za kupigia kura.

Afisa mmoja wa Polisi alifumaniwa akiendesha gari lililokuwa limejaa makaratasi ghushi ya kura ambayo yalikuwa yameshajazwa.