Burundi yafanyiwa kikao Addis

Image caption Burundi yafanyiwa kikao Addis Ababa

Mabalozi wa Baraza la Usalama la Umoja wa Mataifa wanafanya mazungumzo kuhusu msukosuko wa Burundi na viongozi wa Umoja wa Afrika katika mji mkuu wa Ethiopia, Addis Ababa.

Mkutano huo unafanywa siku moja baada ya ujumbe wa Umoja wa Mataifa kukutana na rais wa Burundi, Pierre Nkurunziza, ambaye uamuzi wake wa kugombea muhula wa tatu wa uongozi ulizusha miezi kadha ya ghasia.

Mwakilishi wa Marekani katika Umoja wa Mataifa, Samantha Power, alisema mazungumzo hayo hayakufanikiwa kama alivyotaraji.

Rais Nkurunziza alikataa wito wa mazungumzo, upatanishi na kikosi cha Umoja wa Afrika kuingilia kati.