Rais wa Sierra Leone apinga uavyaji mimba

Image caption Mwanamke akiwa hospitalini

Rais wa Sierra Leone Ernest Bai Koroma kwa mara nyengine amekataa kutia saini mswada unaodhinisha uavyaji mimba akisema unafaa kupigiwa kura ya maoni.

Mswada huo ulipitishwa na wabunge mnamo mwezi Disemba lakini bwana Koroma alikataa kuutia saini baada ya viongozi wa dini kupinga hatua hiyo.

Baada ya majadiliano,wabunge waliurudsha mswada huo kwa kiongozi huyo bila kufanyiwa marekebisho yoyote.

Image caption Makundi ya haki za kibinaadamu nchini Sierra Leone

Sheria hiyo itawaruhusu wanawake kuavya mimba hadi ya wiki 12 kutokana na sababu yoyote ikiwemo kupata mimba na mtu wa familia moja,ubakaji pamoja na kuharibika kwa mtoto hadi wiki 24.

Uavyaji mimba ni kinyume cha sheria nchini Sierra Leone na makundi matano ya haki za kibinaadamu nchini humo yamemuandikia rais Koroma mnamo mwezi Februari yakimtaka aidhinishe mswada huo.