Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Habari za moja kwa moja

time_stated_uk

  1. Na hapo tunafikia mwisho wa taarifa zetu za moja kwa moja kwa siku ya leo, hadi kesho majaaliwa.

  2. Handaki la kupitisha dawa za kulevya kati ya Marekani na Mexico lagunduliwa

    ggj

    Handaki kubwa la kupitisha dawa za kulevya limegunduliwa kutokea Tijuana nchini Mexico hadi kwenye ghala moja huko San Diego nchini Marekani.

    Mtaro huo wenye urefu wa 1,744ft (531m), kina cha futi 61 (18m) na kipenyo cha futi 4 (1m), una njia ya reli, umeme na mfumo wa uingizaji hewa.

    Mamlaka za Marekani wameugundua mtaro huo wakati wakifanya ufuatiliaji wa nyumba ya siri ambayo hapo awali ilitumika kwa kusafirisha dawa aina ya cocaine.

    GGGH

    Walikamata dawa aina ya cocaine, methamphetamine na heroini. Watu sita wanazuiliwa kwa makosa ya ulanguzi wa dawa za kulevya.

    Ofisi ya mwanasheria ilisema Kilogram 799 za cocaine, Kilogram 74 za methamphetamine na kilogram 1.5 za heroin zilikamatwa.

    GGG

    Washukiwa hao wenye umri wa kati ya miaka 31 na 55 wanaweza kuhukumiwa kifungo cha maisha jela na faini ya dola milioni moja iwapo watapatikana na hatia.

    Njia ya mwisho kupatikana California ilikuwa mwaka 2020 na ndio njia ndefu zaidi hadi sasa, ina urefu wa futi 4,309 (m 1,313).

    Tangu mwaka 1993, njia 90 za siri za aina hii zimegunduliwa.

    FGH
    Image caption: Picha ya dawa zilizokamatwa wakati wa uchunguzi huu
  3. Alipwa $357,400 kimakosa na kuzipoteza zote kwenye mchezo wa kamari

    bbb

    Mwanamume mmoja mwenye umri wa miaka 24 ambaye alilipwa kimakosa mamilioni ya pesa ya Japani tayari amepoteza pesa hizo baada ya kucheza kamari mtandaoni.

    Mwanamume huyo alipokea yen milioni 46.3 sawa na dola $357,400 (£287,000) kwenye akaunti yake ya benki zikiwa ni pesa kutoka mfuko wa misaada ya Covid ambayo ilipaswa kugawanywa kwa watu 463.

    Hapo awali alisema atashirikiana na viongozi, lakini hakuonekana.

    Mji wa kusini wa Abu katika Mkoa wa Yamaguchi nchini Japan unamshtaki mwanamume huyo na pia wamechukulia hatua hiyo kama kitendo cha uhalifu.

    Pesa hizo zilipaswa kulipwa kwa kaya 463 za kipato cha chini ambapo kila kaya ilipaswa kupokea yen 100,000 sawa na dola $ 770 (£ 620) kama sehemu ya mpango wa serikali wa kupunguza mkali ya kifedha yaliyosababishwa na janga hilo.

    Lakini tarehe 8 Aprili, pesa zote yen 46.3m ziliwekwa kwa bahati mbaya kwenye akaunti ya kibinafsi ya benki.

    Uchunguzi umegundua kuwa alitoa yen 600,000 kila siku kwa takribani wiki mbili, vyombo vya habari vya ndani vinaripoti.

    "Tayari nimeshahamisha pesa. Haziwezi kurudishwa," alinukuliwa akisema. "Haziwezi kurudi tena. Sitakimbia. Nitalipia uhalifu wangu."

    Hata hivyo sasa ametoweka

    Mwanamume huyo alikuwa ametumia simu yake mkononi kucheza kamari pesa zote kupitia tovuti za kasino mtandaoni, wakili wake alieleza.

  4. Robo tatu ya watu huumwa na mbu muda wa mchana - utafiti

    ghjj

    Utafiti kuhusu tabia za kuuma za mbu waenezao malaria katika Jamhuri ya Afrika ya Kati umegundua kuwa karibu theluthi moja ya unyonyaji wa dmau hutokea ndani ya nyumba wakati wa mchana.

    Utafiti wa awali ulioangalia dhana kwamba wadudu hao huuma zaidi nyakati za usiku ulizingatia juhudi za kupambana na malaria kwenye vyandarua vilivyotiwa dawa ya kuua wadudu.

    Utafiti mpya unapendekeza kwamba ulinzi wa malaria unapaswa kuongezwa zaidi ya majumbani -ufike hadi shuleni, sehemu za kazi na madukani.

    Watafiti wanaoandika katika Mijadala ya Chuo cha Kitaifa cha Sayansi walitoa mahitimisho yao juu ya utafiti wa mwaka mzima wa mbu uliokusanywa kutokana na matukio yambu kuuma katika mji mkuu wa Jamhuri ya Afrika ya Kati, Bangui.

    Malaria huua mamia ya maelfu ya watu kila mwaka, wengi wao wakiwa ni watoto wadogo barani Afrika.

  5. Sweden ina matarajio ya kubadilisha msimamo wa Uturuki juu ya kujiunga kwao na NATO

    w

    Rais wa Finland , ambaye anazuru Stockholm, anasema ana uhakika Finland and Sweden zinaweza kufikia makubaliano na Uturuki juu ya pingamizi lake la kutaka kujiunga na muungano huo.

    Kwa mujibu wa Reuters, Sauli Niinisto aliliambia bunge la Sweden: "Nina hakika kwamba, kwa msaada wa majadiliano ya kujenga, tutatatua hali hiyo."

    Wakati huo huo wizara ya mambo ya nje ya Urusi imesema wafanyakazi wawili katika ubalozi wa Finland huko Moscow watalazimika kuondoka nchini humo kujibu hatua kama hiyo huko Helsinki.

    Mtoa huduma wa nishati inayomilikiwa na serikali ya Finland, Gasum, amesema anatarajia utiririshaji wa gesi kutoka Urusi unaweza kusitishwa kwani inachukua Kampuni ya Usafirishaji ya Gazprom ya Urusi katika mchakato wa usuluhishi kuhusu mahitaji yake ya kulipwa kwa rubles.

    UNAWEZA KUSOMA

  6. Urusi: Finland na Sweden kujiunga na Nato hakutaleta utofauti wowote

    gett

    Finland na Sweden kujiunga na Nato pengine hakutaleta "tofauti kubwa", kulingana na waziri wa mambo ya nje wa Urusi.

    Akizungumza katika hotuba ya hadhara mjini Moscow, Sergei Lavrov anasema nchi zote mbili "zimekuwa zikishiriki katika mazoezi ya kijeshi ya Nato kwa miaka mingi," katika matamshi yaliyonukuliwa na shirika la habari la Ria Novosti.

    Lakini alisisitiza msimamo wa Moscow kwamba jibu la nchi yake kwa Sweden na uamuzi wa Finland kuomba uanachama wa muungano wa kijeshi utategemea nguvu gani Nato itapeleka katika eneo lao.

    Wakati huo huo msemaji wa Kremlin Dmitry Peskov alisema nchi kama Uingereza na Marekani ambazo washauri wake wa kijeshi, anasema, "huwaeleza raia wa Ukraine wenye silaha nini cha kufanya, [na] wanaowapa taarifa za kijasusi," zinapaswa kuzingatiwa zaidi ya "kutokuwa na urafiki".

    "Tunaiweka kwa upole kwa kuyaita majimbo yasiyo rafiki, Sasa ningesema kwamba haya tayari ni mataifa yenye uadui kwa sababu wanachofanya ni vita," Peskov aliongeza.

    Urusi ina orodha rasmi ya mataifa "yasiyo rafiki", kwa kiasi kikubwa yana wanachama wa Nato, pamoja na nchi zisizo wanachama kama vile Australia na Japan ambazo pia zimeiwekea Urusi vikwazo.

  7. Kongamano la miji ya Afrika lafunguliwa nchini Kenya

    Roncliffe Odit

    BBC Nairobi

    w

    Viongozi, magwiji wa soka na nyota wa Hollywood ni miongoni mwa maelfu ya wajumbe wanaokutana leo katika jiji la Kisumu kando ya ziwa Victoria nchini Kenya kwa ajili ya Kongamano la Africities - ambalo miongoni mwa masuala mengine litajadili mabadiliko ya hali ya hewa na ukuaji wa miji.

    Mkutano huo huandaliwa na Umoja wa Miji na Serikali za Mitaa kila baada ya miaka mitatu ili kujadili changamoto za ukuaji wa miji na mabadiliko ya tabia nchi katika makazi ya watu barani Afrika.

    Rais Uhuru Kenyatta anafungua rasmi makaya ya 9 ya Africities, kongamano ambalo litaangazia jinsi majiji ya kati - yale yenye wakazi kati ya 50,000 na milioni moja - yanaweza kusaidia kukabiliana na masuala ya kisasa kama vile mabadiliko ya hali ya hewa na uhaba wa nyumba.

    Jiji la Kisumu, magharibi mwa Kenya ni jiji la kwanza la aina hiyo kuandaa mkutano huo. Pia kitakachojadiliwa kwa muda wa siku tano zijazo ni pamoja na majibu kwa janga la Covid-19 katika miji ya kati.

    Miongoni mwa nyota wa kimataifa wanaohudhuria ni pamoja na nyota wa soka Didier Drogba kutoka Ivory Coast na Mcameroon Samuel Etoo.

    Mwigizaji Lupita Nyongo - ambaye ni balozi wa wema wa Africities pia anahudhuria. Baba yake Lupita, Profesa Anyang Nyong’o ndiye gavana wa sasa wa jimbo la Kisumu, ambayo ni mwenyeji wa mkutano huo.

  8. Mahakama mjini Kigali imetupilia mbali shitaka la ubakaji dhidi ya mwandaaji wa shindano la Miss Rwanda

    w

    Mahakama nchini Rwanda imetupilia mbali shitaka la ubakaji dhidi ya muandaaji huyo lakini ikasema atafunguliwa mashtaka mengine ya uhalifu wa ngono.

    Mahakama mnamo Jumatatu pia ilimnyima dhamana Dieudonné Ishimwe kufuatia kukamatwa kwake mwishoni mwa mwezi uliopita.

    Bw Ishimwe alishtakiwa kwa ubakaji, kuomba au kutoa upendeleo wa kingono na unyanyasaji dhidi ya washiriki wa shindano hilo.

    Alikanusha mashtaka yote wiki iliyopita.

    Hakimu alisema hakuna ushahidi wa kutosha wa kumshtaki Bw Ishimwe kwa ubakaji.

    Lakini hakimu alisema mshukiwa atakabiliwa na mashtaka ya kuomba upendeleo wa kingono na unyanyasaji wa kijinsia.

    Shutuma dhidi ya Bw Ishimwe ni miongoni mwa mada zinazojadiliwa sana miongoni mwa Wanyarwanda kwenye mitandao ya kijamii.

    Serikali ya Rwanda wiki iliyopita ilisitisha shindano la urembo la Miss Rwanda kufuatia kukamatwa kwa mwandaaji wake

  9. Sauti Sol ya Kenya yatishia kushitaki kampeni za urais za Raila Odinga

    GGGG

    Kundi la muziki nchini Kenya Sauti Sol limetishia kushtaki kampeni za urais za Waziri Mkuu wa zamani Raila Odinga kwa madai ya ukiukaji wa hakimiliki.

    Akaunti za mitandao ya kijamii za Odinga zinasemekana kutumia wimbo wa Sauti Sol wa Extravaganza wakati wa kumtambulisha Martha Karua kama mgombea mwenza wa Muungano wa Azimio la Umoja.

    Katika taarifa iliyochapishwa kwenye mtandao wa Twitter, Sauti Sol walilalamika kuhusu matumizi ya muziki wao katika kampeni zinazoendelea za kisiasa.

    Walisema "hawakuwa na uhusiano wala kuhusishwa na kampeni ya Azimio la Umoja au vuguvugu lolote la kisiasa na/au chama".

    "Tumesikitishwa na kampeni ya Azimio la Umoja ya kupuuza waziwazi haki yetu ya kudhibiti matumizi ya hakimiliki yetu."

    View more on twitter

    Chama cha ODM, ambacho ni sehemu ya muungano wa Azimio na ambaye Odinga ni mshirika, kilisema wanathamini muziki wa Sauti Sol, na "kucheza wimbo wao ilikuwa kuoesha mapenzi kwa kazi yao".

    Lakini baadhi ya watumiaji wa mtandaoni wameitupia lawama bendi hiyo, wakisema kwamba muungano wa Bw Odinga ulikuwa umelipa Chama cha Hakimiliki ya Muziki Kenya (MCSK) zaidi ya $4,800 ya ada ya leseni ili kutumia kazi za muziki zilizo na hakimiliki katika kampeni yao.

    MCSK ni chombo cha serikali kinachosimamia ulipaji wa mirabaha kwa wasanii nchini humo.

    Hata hivyo wasanii wengi wakiwemo Sauti Sol, wamekikosoa chombo cha hakimiliki juu ya muundo wanaotumia kuwafidia.

    Sauti Sol ni moja ya bendi kubwa barani Afrika na ilishinda Tuzo za Muziki za MTV Africa 2016.

  10. Mapigano makali yanaendelea mashariki mwa Ukraine – ripoti

    w

    Jeshi la Ukraine linasema Urusi "inaendelea na mashambulizi yake" mashariki mwa nchi hiyo, lakini inadai kuwa wanajeshi wake wamefurahia mafanikio ya ulinzi katika muda wa saa 24 zilizopita.

    "Adui alielekeza juhudi zake kuu kwa Donetsk," Mkuu wa Wafanyakazi wa Kikosi cha Wanajeshi wa Ukraine alisema katika chapisho la Facebook asubuhi ya leo.

    "Ndege za adui ziligonga miundombinu ya kiraia na kijeshi katika Ukanda wa Utendaji wa Mashariki na vifaa vya viwandani huko Ukraine."

    Maafisa waliongeza kuwa chokaa, mizinga ya kawaida na mifumo ya roketi za kurusha mara nyingi bado zilikuwa zinatumika kulenga Donetsk.

    Hata hivyo, Jenerali Wafanyakazi pia alisema kuwa wanajeshi wake walifanikiwa kuzima mashambulio 11 ya Urusi kote Donetsk na Luhansk, na kugonga ndege ya Urusi ya Su-25 na kombora la kusafiri.

    Vifaru vitano vya Kirusi, mfumo mmoja wa makombora wa Tor, mifumo sita ya mizinga na vipande 12 vya vifaa vya kivita pia viliharibiwa, ripoti inasema.

    BBC imeshindwa kuthibitisha madai haya kwa uhuru.

    UNAWEZA KUSOMA

  11. Putin wafanya maamuzi ya kijeshi huko Donbas - chanzo cha kijeshi cha Magharibi

    Rais Putin na Jenerali Valery Gerasimov wakipeana mikono katika mkutano wa Bodi ya Wizara ya Ulinzi ya Urusi huko Moscow, Urusi mnamo Desemba 2016.

    Rais Putin wa Urusi na mkuu wake wa kijeshi, Jenerali Valery Gerasimov, wanaaminika kuingilia moja kwa moja hujuma ya kijeshi ya Urusi nchini Ukraine na kuchukua maamuzi ambayo kawaida hufanywa na maafisa wa chini zaidi - kulingana na chanzo cha kijeshi cha Magharibi.

    Wakizungumza kwa sharti la kutokutajwa jina, chanzo hicho kilisema: "Tunafikiri Putin na Gerasimov wanahusika katika kufanya maamuzi kwa busara katika kiwango ambacho kwa kawaida tungetarajia kuchukuliwa na kanali au brigedia."

    Chanzo hicho cha kijeshi kilisema kwamba wawili hao ndio waliokuwa wakifanya maamuzi kuhusu harakati za wanajeshi katika Donbas - eneo la mashariki mwa Ukraine ambalo sasa ndilo kitovu cha mashambulizi ya kijeshi ya Urusi.

    Tayari kumekuwa na mapendekezo kwamba Rais Putin amejihusisha zaidi katika uendeshaji wa kila siku wa kampeni ya kijeshi, tangu Urusi ilipokabiliwa na misukosuko kaskazini mwa nchi hiyo na karibu na mji mkuu wa Kyiv.

    Pia kumekuwa na uvumi wa hivi karibuni kwamba mkuu wa jeshi la Urusi, Jenerali Gerasimov, anaweza kuwa ametengwa - pamoja na uvumi usio na uthibitisho kwamba alijeruhiwa alipokuwa akizuru Donbas wiki chache zilizopita.

    Mzozo wa Ukraine: Urusi na Ukraine: Jinsi mikakati ya Urusi ilivyobadilika katika awamu ya pili ya vita

  12. Afrika Kusini: Mwanafunzi mzungu achukuliwa video akikojolea mali za mwanafunzi mweusi

    Mtu anakojoa
    Image caption: Mwanafunzi huyo akiwa anakojolea mali ya mwenzake

    Mwanafunzi mzungu nchini Afrika Kusini amesimamishwa kimasomo kwa muda kutoka chuo kikuu baada ya kushutumiwa kwa kukojolea mali za mwanafunzi mweusi katika chuo kikuu cha Stellenbosch University, taasisi imeithibitishia BBC News.

    Chuo kikuu kimesema kuwa tukio hilo litachunguzwa na kuchukua hatua ikiwemo kumfukuza na mashitaka ya uhalifu yanaweza kufunguliwa, itategemea na matokeo ya uchunguzi.

    Wanafunzi kadhaa wameandamana katika Chuo kikuu cha Stellenbosch University Jumatatu wakidai hatua kali ilichukuliwe dhidi ya mwanafunzi huyo wa mwaka wa kwanza.

    Chuo kikuu-sawa na mitandao ya kijamii ambayo imekuwa ikisambaza video -wamesema kuwa tukio hilo linaonekana kuwa lilichochewa na itikadi za ubaguzi wa rangi.

    Katika taarifa yake, msemaji wa kikuu cha Stellenbosch Martin Viljoena amesema kuwa chuo kikuu "kinalaani vikali tukio la uvurugaji, usikitishani na ubaguzi”.

    Muathifriwa bado ameshangaa na anajaribu kufikiria kilichomtokea, chou kikuu kimesema.

    Kulingana na vyombo vya habari nchini humo, muathiriwa alikuwa amesinzia wakati alipoamka aliposikia mtu akiingia chumbani kwake.

    Katika video hiyo anasikika akimuuliza mwanafunzi mzungu ni kwanini alikuwa anakojolea mali zake.

    Tukio hilo kwa mara nyingine tena limeangazia makabiliano dhidi ya ubaguzi wa rangi uliosheheni nchini humo miongo kadhaa baada ya kuisha kwa ubaguzi wa rangi.

  13. Urusi na Ukraine: Kwanini Uturuki inatishia kuzuia Finland na Sweden kujiunga na Nato?

    Uturuki
    Image caption: Sweden itaimarisha Nato," Waziri mkuu Magdalena Andersson anasema

    Rais wa Uturuki amerehelea tena msimamo wake kwa Finland na Sweden kujiunga na natoi-saa kadhaa tu baada yan chi hizo kusema kuwa zitaomba uanachama.

    Recep Tayyip Erdogan amesema kuwa nchi hizo mbili za Kiscandinaviahazihitaji kutuma wajumbe kuishawishi Uturuki, mjumbe muhimu wa Nato, kuhusu azma yao.

    Anakasirishwa na kile anachokiona kama utashi wa nchi hizo wa kuwapokea wanamgambo wa Kikurdi.

    Awali , Sweden ilisema Ulaya inaishi katika hatari mpya halisi , ikimaanisha uvamizi wa Urusi katika Ukraine.

    Rais wa Urusi Vladimir Putin alisema kuwa hatua ya Finland Sweden ya kujiunga na muungano wa kijeshi wenye wanachama 30 haiitishi Moscow moja kwa moja- lakini akasisitiza kuwa kupanuka kokote kwa miundo mbinu ya kijeshi kunaweza kunaweza kuibua jibu kutoka kwa Urusi.

    Katika mkutano wa waandishi wa habari Jumatatu, Bw Erdogan alisema kuwa Uturuki inapinga azma za Finland na Sweden za kujiunga na Nato, akiielezea Sweden kama kitovu cha mashirika ya ugaidi.

    "hakuna nchi moja kati ya hizi ambayo ina mtizamo wa wazi, kuhusu mashirika ya ugaidi. Tunawezaje kuwaamini ?" Rais wa Uturuki alisema.

  14. Nigeria: Binti ampeleka baba mkwe mahakamani kwa kumzuia kuolewa na mpenzi wake

    mahakama

    Halima Yunusa amempeleka baba mkwe katika Mahakama ya Kiislamu Islamic (Sharia Court) katika jimbo la Kaduna nchini Nigeria kwa madai ya kukataa aolewe na mpenzi wake Bashir Yusuf.

    Taarifa iliyochapishwa na gazeti la The Daily Trust nchini Nigeria limeripoti kwamba Bi Halima aliiambia mahakama kuwa amependana na mpenzi wake Yusuf , lakini baba yake Yusuf amekataa asimuoe.

    Baba yake , Ibrahim, aliiambia mahakama kwamba alikuwa anafahamu kuhusu mapenzi baina ya binti yake na Yusuf, lakini alikuwa hajatimiza vigezo vya kuoa.

    Baba huyo alidai kuwa alimwambia mchumba wa binti yake kwamba alikuwa amemtuma awalete wazazi wake lakini hakurudi tena kwa takriban mwaka mmoja.

    Alijitokeza baaada ya mwaka mmoja baadaye na akamchukua binti yake na wakapotea kwa siku tatu bila kurudi nyumbani ambapo baadaye waliambiwa kuwa walikuwa wameenda kwa shangazi yao, mzee Ibrahim aliiambia mahakama.

    Alisema kuwa baadaye walipelekwa katika kituo cha polisi ambako walikamatwa na kupatikana na hatia na baadaye wakaachiliwa kutoka kwenye kituo cha polisi na kutoroka haddi katika mji wa Abuja.

    baba yake msichana alisema kuwa baadaye alikutana na baba yake Yusuf ambaye alimuonya kuwa hatamruhusu Yusuf amuoe binti yake.

    Baada ya kusikia hoja zao, jaji alimuamrisha baba yake Yusuf kumruhusu kijana wake amuoe Halima na iwapo hatofanya hivyo hmahakama itawafungisha ndoa.

  15. Mariupol: Mamia ya wanajeshi wa wa Ukraine waliozingirwa waliokolewa

    Pictures have emerged purportedly showing injured Ukrainian soldiers arriving in Novoazovsk, a town held by Russian-backed rebels
    Image caption: Picha zimekuwa zikijitokeza zinazoonyesha wanajeshi wa Ukraine waliojeruhiwa hwakiwasili katika mji unaodhibitiwa na waasi wanaoungwa mkono na Urusi wa Novoazovsk,

    Wapiganaji walioondolewa kutoka Mariupol wakiwasili katika mji unaodhibitiwa na Urusi

    Ukraine imethibitisha kwamba mamia ya wapiganaji wake waliokuwa wamekwama kwa zaidi ya miezi miwili katika mji wa shughuli za viwanda vya chuma wa Azocstal katika Mauripol wameokolewa.

    Naibu waziri wa ulinzi Hanna Maliar alisema kuwa wanajeshi walioumia vibaya 53 walipelekwa katika mji wa Novoazovsk, unaoshikiliwa na wasi wanaoungwa mkono na Urusi.

    Aisema kuwa wengine 211 walikombolewa kwa kutumia njia za kibinadamu kuelekea Olenivka – mji mwingine unaodhibitiwa na waasi.

    Awali Urusi ilisema mkataba umefikiwa wa kuwakomboa wanajeshi waliojeruhiwa .

    Takriban basi kumi na mbili zilizowabeba wapiganaji wa Ukraine waliokuwa wamekwama katika kiwanda kilichozingirwa zilionekana zikiondoka kusini mwa mji huo wa bandari Jumatatu jioni, liliripoti shirika la habari la Reuters.

  16. Hujambo na karibu tena katika matangazo yetu ya mubashara leo ikiwa ni tarehe 17.05.2022