Rio Ferdinand kujiunga na ndondi baada ya kustaafu

Rio Ferdinand

Chanzo cha picha, Getty Images

Maelezo ya picha,

Rio Ferdinand

Rio Ferdinand anazindua taaluma yake mpya kama mwanandondi miaka miwili baada ya kustaafu kutoka soka.

Hatua ya Rio mwenye umri miaka 38 kujiunga na ndondi imeiungwa mkono na kampuni ya kamari ya Betfair ambayo ilitangaza taraifa hizo leo Jumanne.

Mlinzi huyo wa zamani wa England na Manchester United pia ana kampuni yake ya nguo.

"Ninafanya hivi kwa sababu ni changamoto," alisema Rio." Nimeshinda mataji na sasa ninalenga kushinda mkanda."

Chanzo cha picha, Getty Images

Maelezo ya picha,

Rio Ferdinand

Amechapisha video kadha katika mitandao ya kijamii miezi ya hivi karibuni zinazomuanyesha akirusha ngumi na kupata mafunzo.

Aliyekuwa nahodha ya kikosi cha kriketi cha England Andrew Flintoff, pia naye alizindua taalumaa ya ndondi baada ya kustaafu, alipata ushindi mwaka 2012 dhidi ya Mmarekani Richard Dawson kwa pointi.

Ni kampuni ya Betfair iliyomuomba Ferdinand kuanzisha taaluma hiyo na itamsaidia kufuzu na kupata leseni ya bodi ya ndondi ya Uingereza kabla ya kuanza kujifunza na kushindana.

Chanzo cha picha, Rio Ferdinand Instagram

Maelezo ya picha,

Ferdinand na Anthony Joshua