Chelsea yatoka sare na Arsenal kombe la Carabao

Kiungo wa kati wa Arsenal Jack Wilshere kushoto na refa wa mechi hiyo Martin Atkinson kulia Haki miliki ya picha Getty Images
Image caption Kiungo wa kati wa Arsenal Jack Wilshere kushoto na refa wa mechi hiyo Martin Atkinson kulia

Mkufunzi wa Chelsea Antonio Conte ameunga mkono utumizi wa mfumo wa video unaowasaidia marefa baada ya timu yake kutoka sare tasa na Arsenal katika nusu fainali ya kombe la Carabao mkondo wa kwanza.

Refa Martin Atkinson alitumia mfumo huo wa VAR kwa madai mawili ya penalti ya Chelsea wakati ambapo Victor Moses aligongana na Maitland-Niles katika kipindi cha kwanza na wakati Danny Welbeck alipomkabili Cesc Fabregas , na alifurahi kwamba ushahidi alioonyeshwa haukuwa wa kutoa panalti.

''Nafurahia utumizi wa VAR kwa sababu kunapokuwa na wasiwasi wakati wa mechi ni vyema wakati refa na wasaidizi wake wanapoangalia video hiyo na kutoa uamuzi mwafaka'', alisema Conte.

''Nadhani kila mtu anataka makosa machache wakati wa mechi na nadhani hilo litasaidia sana''.

Timu hizo mbili zitakutana tena katika mkondo wa pili katika uwanja wa Emirates mnamo tarehe 24 mwezi Juni baada ya Arsenal kuonyesha ukakamavu kufuatia kushindwa kwao katika kombe la FA na klabu ya Nottingham Forest.

''Arsenal ilicheza vizuri'', alisema Wenger.

''Tulikuwa tumejiandaa na ilikuwa sare nzuri na sasa ni lazima kumaliza kazi tulioanza''.

Mada zinazohusiana