Tetesi za soka Ulaya Alhamisi 26.07.2018: Real Madrid, Barcelona, Manchester City, Chelsea, Edinson Cavani, Ante Rebic na Thibaut Courtois

mshambuliaji wa PSG na Uruguay Edinson Cavani

Chanzo cha picha, Getty Images

Real Madrid huenda ikawasilisha dau la £89m ili kumnunua mshambuliaji wa PSG na Uruguay Edinson Cavani, 31, ili kuchukua mahala pake Cristiano Ronaldo, ambaye alijiunga na Juventus. (AS - in Spanish)

Manchester United wameambia Leicester City wanataka kumsaini beki wa Uingereza Harry Maguire ,25, mwenye thamani ya £65m. (Mirror)

United wamewasilisha ombi la kutaka kumsaini winga wa Eintracht Frankfurt mwenye umri wa miaka 24 Ante Rebic. (Mail)

Chanzo cha picha, Getty Images

Liverpool wamekubali mkataba wa miaka miwili na beki wa Croatia Domagoj Vida, 29, lakini atalazimika kununuliwa kwa bei ya Besikitas ya £22m . (A Spor - in Turkish)

Real Madrid imeingia katika makubaliano na kipa wa Chelsea na Ubelgiji Thibaut Courtois,26. (Mail)

Chelsea na Roma wanashindana katika kumsajili winga wa Jamaica Leon Bailey, 20, kutoka klabu ya Bayer Leverkusen. (Evening Standard)

Chanzo cha picha, Getty Images

Chelsea inachunguza kiungo wa kati wa Lazio na Serbia Sergej Milinkovic-Savic, kwa lengo la kumsajili mchezaji huyo mwenye umri wa miaka 23 . (Independent)

Mkurugenzi wa Everton Marcel Brands ameelekea Barcelona ili kuendelea na mazungumzo ya kumnunua beki wa Colombia Yerry Mina, 23, na beki wa Ufaransa Lucas Digne, 25. (Mail)

Klabu mpya ilioteuliwa kucheza ligi ya Premia Wolves pia wamewasilisha ombi la kutaka kumsaini Mina kutoka Barcelona. (Sky Sports)

Chanzo cha picha, Getty Images

Wolves imewasilisha ombi la dau la £18m ili kumsaijili winga wa Uhispania Adama Traore, 22, kutoka timu ya ligi ya mabingwa Middlesbrough. (Sun)

Crystal Palace inafanya mazungumzo ya kumsaini kiungo wa kati wa West Ham na Senegal Cheikhou Kouyate, 28, kwa dau la £10m. (Sky Sports)

Newcastle inakaribia kumsaini mshambuliaji wa klabu ya Mainz na Japan mwenye umri wa miaka 26 Yoshinori Muto. (Kicker - in German)

Chanzo cha picha, Getty Images

West Ham na Fulham zina hamu ya kumsaini beki wa kulia wa Lille na Ufaransa Kevin Malcuit, 26, kwa mkopo. (France Football - in French)

Mbingwa wa Uskochi , Celtic wana matumaini ya kumsaini kwa mkopo kiungo wa kati wa Australia kinda Daniel Arzani baada ya kukamilisha uhamisho wa kudumu katika klabu ya Manchester City kutoka klabu shirikishi Melbourne City. (Scottish Sun)

Derby County inakaribia kukamilisha usajili wa mchezaji mwenye umri wa miaka 23v ack Marriott wa Petersbrough katika makubaliano yatakayoongezeka hadi £5m. (Sky Sports)

Tetesi za soka za Jumatano

Real Madrid inajiandaa kutoa dau la £60m kumnunua mlinda lango wa Tottenham na Ufaransa Hugo Lloris, 31. (Sun)

Bilionea wa Urusi Alisher Usmanov anataka kuuza asilimia 30 ya hisa zake katika klabu ya Arsenal baada ya kukiri kwamba mmiliki mkuu wa klabu hiyo Stan Kroenke hatomwachia udhibiti wa klabu hiyo. (Financial Times)

Manchester United na Chelsea zimewasilisha ombi la kutaka kumsaini kiungo wa kati wa Bayern Munich na Uhispania Thiago Alcantara, 27, ambaye anapatikana kwa dau la £62m. (ESPN)

Chanzo cha picha, Getty Images

United pia inajiandaa kuwasaini mchezaji mbadala wa winga wa Chelsea na Brazil Willian,kupitia winga wa croatia na Eintracht FrankfurtAnte Rebic, 24. (Independent)

Tottenham na Chelsea huenda zikamnyatia winga wa Ufaransa Anthony Martial, 22, ambaye anataka kuondoka katika klabu ya Manchester United lakini kusalia katika ligi ya Premia. (Sun)

Chelsea huenda ikamkosa mshambuliaji wa Juventus Gonzalo Higuain, 30, huku wapinzani wao wa Serie A AC Milan wakiwa na hamu ya kumsajili raia huyo wa Argentina kwa dau la £57m. (Evening Standard)

Chanzo cha picha, Getty Images

Chelsea inakaribia kumsaini mlinda lango wa siku nyingi wa Uingereza Robert Green, 38, kama nguvu mpya kwa uhamnisho wa bure. (Sun)

Fulham imekubali makubaliano ya kumsaini mchezaji wa Ujerumani na winga wa zamani wa Chelsea Andre Schurrle, 27, kutoka Borussia Dortmund. (West London Sport)

Liverpool itamzuia mshambuliaji Daniel Sturridge, 28, msimu huu na iko tayari kumpoteza mchezaji huyo wa Uingereza msimu ujao kwa uhamisho wa bure (Liverpool Echo)

Chanzo cha picha, Getty Images

Everton na West Ham wana hamu ya kumsaini beki wa Augsburg na Austria Martin Hinteregger, 25, ambaye ana thamani ya £13m. (Sun)

Wolves wanatarajiwa kumsaini winga wa Uhispania Jonny Castro, 24, kwa mkopo wa muda mrefu kutoka knblau ya Atletico Madrid. (Mail)

Derby imeanza mazungumzo ya kutaka kumsaini mshambuliaji wa Uingereza mwenye umri wa miaka 28 Martyn Waghorn kutoka klabu mwenza ya ligi ya mabingwa Ipswich kwa dau la £8m. (Mail)

Chanzo cha picha, Getty Images

Werder Bremen imefanya uchunguzi kuhusu kumsaini kiungo wa kati wa Everton na Uholanzi , 25, Davy Klaassen. (SkySports)

Fenerbahce wamewasilisha ombi la kumsaini mshambuliaji wa Tottenham na Uholanzi Vincent Janssen, 24, ambaye alihudumu msimu uliopita kwa mkopo katika klabu hiyo ya Uturuki . (SkySports)

Chanzo cha picha, Getty Images

Celtic inapanga mazungumzo ya dharura ya kuandikisha mkataba na beki Dedryck Boyata, 27, licha ya hamu ya kumsaini raia huyo wa Ubelgiji kutoka kwa klabu za Fulham na Lyon. (Daily Record)

Mkufunzi wa zamani wa Uingereza Sven-Goran Eriksson, 70,ameanza mazungumzo ya kuchukua ukufunzi wa timu ya taifa la Iraq. (Sky Sports)

Tetesi za soka Ulaya Jumanne 24.07.2018

Chanzo cha picha, Getty Images

Mshambuliaji wa zamani wa Arsenal Thierry Henry, ambaye yuko katika kikosi cha ukufunzi cha Ubelgiji amekubali kwa maneno kuchukua uoingozi wa klaby ya Aston Villa akichukua mahala pake Steve Bruce. (Daily Star)

Chelsea inajiandaa kuimarisha dau la £45m kumnunua beki wa Juventus na Itali Daniele Rugani, 23, baada ya ombi la hapo awali la £36m kukataliwa. (Goal)

Chanzo cha picha, Getty Images

Chelsea imekataa ombi la tatu la zaidi ya £55m - kutoka Barcelona kumnunua winga wa Brazil Willian, 29. (Sky Sports)

Arsenal bado ina hamu ya kumsajili kiungo wakati wa Sevill aliyeshinda kombe la dunia Steven Nzonzi, 29,lakini hawako tayari kuafikia matakwa ya kandarasi ya raia huyo wa Ufaransa ya kumuachilia kwa dau la £35m. (France Football)

Mkufunzi wa Manchester United Jose Mourinho anapanga kumpiga bei winga wa Ufaransa Anthony Martial, 22, kwa dau la £50m lakini kwa klabu ambayo haichezi ligi ya Uingereza. (Guardian)

Tottenham ina matumaini ya kujipatia £30m kupitia kumpiga bei mshambuliaji wa Uholanzi Vincent Janssen, 24, pamoja na mshambuliaji wa Uhispania Fernando Llorente, 33. (Evening Standard)

Newcastle iko katika mazungumzo kumsajili beki wa Deportivo La Coruna na Uswizi Fabian Schar, 26, ambaye ana kandarasi inayomzuia yenye thamani ya £3.5m . (Daily Mail)

Chanzo cha picha, Getty Images

Everton inamtaka beki wa Barcelona Lucas Digne lakini imepunguza hamu yao kwa beki wa kushoto wa Scotland Kieran Tierney. Raia wa Ufaransa Digne, 25, ana thamani ya £22m. (Liverpool Echo).

Klabu mpya iliopanda katika ligi ya Premia Fullham imewasilisha ombi la kutaka kumnunua mshambuliaji wa Brazil na Real Sociedad Willian Jose, 26 kwa dau la £26m. (Sun)

Chanzo cha picha, Getty Images

Kipa wa Uhispania Fabri, 30, amefanyiwa vipimo vya kimatibabu katika klabu ya Fullham akisubiri uhamisho wake wa dau la £5m kutoka klabu ya Uturuki ya Besiktas. (Sky Sports)

West Ham na Leicester zote zinamnyatia kiungo wa kati wa Juventus na Itali ,25, Stefano Sturaro. (La Gazzetta dello Sport - in Italian)

Chanzo cha picha, Getty Images

Real Madrid ina hamu ya kumsajili kiungo wa kati wa Borussia Dortmund na Marekani Christian Pulisic, 19, ambaye ana thamani ya £60m. (Daily Mail)

Barcelona, Juventus na idadi kubwa ya klabu za Premia zinamtaka winga mwenye umri wa miaka 20 Ismaila Sarr. Rennes inataka kulipwa £50m ili kumpiga bei mchezaji huyo wa Senegal (Sun)

West Brom wanakaribia kumnunua kiungo wa kati wa Uingereza Harvey Barnes, 20, kwa mkopo kutoka Leicester. (Leicester Mercury)