Gareth Bale hayumo katika kikosi cha Real Madrid kitakachocheza na Munich

Bale alianza kipindi chote cha mechi za Real Madrid za kabla msimu akiwa kwenye benchi Haki miliki ya picha Getty Images
Image caption Bale (kulia)alianza kipindi chote cha mechi za Real Madrid za kabla msimu akiwa kwenye benchi

Gareth Bale amejiondoa katika safari ya Real Madrid ya kwenda Munich kwa ajili ya shindano la kabla ya msimu kufuatia hatua yake ya pendekezo lake la kuhamia Uchina ambalo halikufanikiwa.

Inafahamika kwamba Bale hayuko vizuri kiakili kucheza baada ya rais wa Real Florentino Perez kumzuwia kujiunga na klabu ya Jiangsu Suning ya Uchina.

Wiki iliyopita , Meneja wa Real Madrid Zinedine Zidane alisema kuwa Bale mwenye umri wa miaka 30- alikuwa "karibu kabisa kuihama klabu hiyo " kwa kuwa hakupendwa.

Zidane aliongeza kuwa kutoka kwake kwenye katika Real lingekuwa ni jambo ambalo ni " bora kwa kila mmoja ".

Haki miliki ya picha Getty Images
Image caption Meneja wa Real Madrid Zinedine Zidane alisema kuwa kutoka kwa ale kutoka kwake katika Real lingekuwa ni jambo ambalo ni " bora kwa kila mmoja ".

Real ambao ni washindi wa ligi ya Uhispania mara 33-watacheza na klabu aliyoichezea zamani ya Bale-Tottenham Jumanne katika mechi ya ufunguzi wa mashindano yatakayozijumuisha Bayern Munich na Fenerbahce.

Kiungo wa nyuma-kushoto Danny Rose amejumuishwa katika kikosi cha Spurs , licha ya kuachwa kwenye safari ya michuano ya kabla ya msimu barani Asia ili atafute klabu mpya.

Haki miliki ya picha Getty Images
Image caption Gareth Bale aliifungia Real mabao matatu, pamoja na mkwaju wa penati katika fainali nne za Championi Ligi waliposhinda mashindano hayo mwaka 2014, 2016, 2017

Bale alijiunga na klabu hiyo ya Uhispania kwa malipo ya pauni milioni 85 alitokea klabu ya Tottenham mnamo mwaka 2013 katika mkataba uliokuwa mkubwa zaidi duniani wakati huo.

Amebakiza miaka mitatu ya mkataba wake na klabu ya Bernabeu ambako alishinda vikombe vinne vya Championi Ligi, moja taji la La Liga title, Copa del Rey, la tatu Uefa Super Cups na klabu tatu katika kombe la dunia.

Mchezaji huyo ambaye ni raia wa Wales aliifungia Real mabao matatu, pamoja na mkwaju wa penati katika fainali nne za Championi Ligi waliposhinda mashindano hayo mwaka 2014, 2016, 2017 na 2018.

Hata hivyo , matatizo ya majeraha yalimfanya acheze michezo 79 tu ya mwanzo ya La Liga katika misimu minne iliyopita.

Haki miliki ya picha Reuters
Image caption Real ilizuwia kuhama kwa Bale kwasababu walikuwa wakidai gharama yake ya uhamisho

Aliichezea Real Madrid mechi 42msimu uliopita lakini alizomewa na baadhi ya mashabiki wakati mwingine wakati wa mechi.

Imekuwa ikiripotiwa kuwa Real ilizuwia kuhama kwa Bale kwasababu walikuwa wakidai gharama ya uhamisho wake.

Meneja wa zamani wa Real Madrid na Wales John Toshack amekiambia kipindi cha BBC Radio 5 Live kwamba ukosoaji wa Bale unafaa na angepaswa "kuwa na mawasiliano" na mashabiki wa Uhispania na Real katika kipindi cha miaka sita alichokuwa katika klabu hiyo.

"Jitokeze Gareth, fanya mahojiano , ongea," alisema John Toshack mwenye umri wa miaka 70 . "umekuwa hapa kwa miaka sita au saba sasa . Huongei lugha ya wenyeji. Hilo ni tusi kwa watu unaowafanyia kazi.

"Mambo haya kwenda vizuri hapa Uhispania, na inanisikitisha.

"Amekuwa muhimu katika Real Madrid. Ni jambo la huruma sana kwamba hakuwahi kujihusisha zaidi kidogo na nchi ambamo anaishi na mashabiki ambao wako pale kila wiki.

"Gareth, njoo. Chukua muda kidogo na ujifunze lugha."

Mada zinazohusiana

Maelezo zaidi kuhusu taarifa hii