Tetesi za Soka Ulaya Jumatano 19.02.2020: Pogba, Raiola, Gnabry, Sane, Rangnick

Paul Pogba Haki miliki ya picha Reuters
Image caption Kiungo wa kati wa Ufaransa Paul Pogba anatarajiwa kuondoka Manchester United msimu huu

Kiungo wa kati wa Ufaransa Paul Pogba anatarajiwa kuondoka Manchester United msimu huu lakini klabu hiyo inataka zaidi ya £150m kumuachilia mchezaji huyo wa miaka 26. (ESPN)

Ajenti wa Pogba, Mino Raiola anasema kuwa ana mpango wa "kuwasiliana" na mkufunzi wa Manchester United Ole Gunnar Solskjaer baada ya majibizano makali kumhusu mteja wake. (Sky Sports)

Ndugu wa Pogba wa kiume Mathias anasema kuwa "kila mtu anajua" kwamba anataka kuondoka Manchester United "kwenda kucheza soka ya Champions League na kushinda mataji". (Sun)

Mkufunzi wa Chelsea Frank Lampard ataelekezewa darubini kali ikiwa klabu hiyo itashindwa kufuzu kwa Champions League msimu huu. (Telegraph)

Haki miliki ya picha Getty Images
Image caption Mkufunzi wa Chelsea Frank Lampard atajikuta mashakani ikiwa haitafuzu kwa Champions League

Manchester City inamtaka winga wa Bayern Munich Serge Gnabry, 24, kama sehemu ya mpango utakaomwezesha Leroy Sane, 24, kujiunga na klabu hiyo ya Bundesliga. (Sun)

Manchester United wanatafakari uwezekano wa kuwasajili mkurugenzi wa zamani wa michezo Paris St-Germain Antero Henrique na mkuu wa michezo wa Red Bull Ralf Rangnick katiki wadhifa wa mkurugenzi wa kiufundi. (Independent)

Beki wa RB Leipzig Mfaransa Dayot Upamecano, 21, amesema anajua kuwa ''ananyatiwa'' na Barcelona na Arsenal. (RMC Sport, via Goal)

Haki miliki ya picha Reuters
Image caption Manchester City inamtaka winga wa Bayern Munich Serge Gnabry kubadilishana nafasi na Leroy Sane (Kulia)

Chelsea inamtafuta kiungo wa kati wa Birmingham City mwenye umri wa miaka 16 Jude Bellingham, lakini Manchester United, Barcelona na Real Madrid pia zimeonesha nia yakumnunua mchezaji huyo wa kimataifa wa Uingereza wa chini ya miaka -17. (Goal)

Barcelona inamlenga mshambuliaji wa Denmark na Leganes Martin Braithwaite, 28, baada ya kupewa ishara ya kumtafuta mchezaji atakayechukua nafasi ya mshambuliaji wa Ufaransa Ousmane Dembele, 22, baada ya kusitisha mpango wa kumnunua mshambuliaji wa Real Sociedad Mrazil Willian Jose, 28. (Sky Sports)

Manchester City huenda ikakabiliwa na uchunguzi zaidi kutoka Uefa ili kubaini kiwango cha wafadhili wake wa Abu Dhabi baaada ya kuwekewa marufuku ya kushiriki mashindano ya ulaya baada ya kupatikana na kosa la kiuka sheria ya uchezaji haki kifedha. (Guardian)

Tetesi Bora Jumanne

Tottenham na Everton wanamuwania beki wa Manchester United Chris Smalling, 30, ambaye anachezea kwa mkopo na klabu Roma. (Corriere dello Sport - in Italian)

Haki miliki ya picha Getty Images
Image caption Smalling kwa sasa anacheza kwa mkopo na klabu ya AS Roma ya Italia.

Kiungo Mfaransa Matteo Guendouzi, 20, anakabiliwa na mapambano ya kusalia katika klabu ya Arsenal baaada ya kuachwa kwenye kikosi cha klabu hiyo kwenye mchezo wa Jumapili dhidi ya Newcastle. (Mirror)

Guendouzi aliachwa baada ya kugombana na kocha wa Arsenal Mikel Arteta na makocha wasaidizi wakati wa mapumziko mafupi ya katikati ya msimu jijini Dubai. (Goal)

Winga Raheem Sterling, 25, ataendelea kusalia Manchester City licha ya klabu hiyo kupigwa marufuku kushiriki michuano ya Ulaya, amedai wakala wake. (Manchester Evening News)

Haki miliki ya picha Getty Images
Image caption Kiu ya Sterling kunyakua Champions League itabaki kuwa ndoto kwa miaka mitatu ijayo.

Mada zinazohusiana