Tetesi za Soka Ulaya Jumatatu 02.03.2020: Sancho, Foster, Smalling, Koulibaly, Mertens

Jadon Sancho

Chanzo cha picha, EPA

Maelezo ya picha,

Winga wa Borussia Dortmund Jadon Sancho hana hofu kuhusiana na hatma yake ya baadae katika klabu hiyo

Winga wa Borussia Dortmund Jadon Sancho, 19, hana mawazo kuhusiana na hatma yake ya baadae licha ya tetesi zinazomhusisha na uhamisho wa kuenda Manchester United ama Liverpool. (Mail)

Tottenham wanajiandaa kumsaka kipa wa Watford Ben Foster, 36, ambaye mkataba wake Vicarage Road unamalizika msimu huu wa joto. (Sun)

Spurs pia wanataka kuikosesha Roma nafasi ya kumpata Chris Smalling kutoka Manchester United kwani wana mpango wa kumpatia mkataba wa kudumu.

Beki huyo wa England, 30 ,kwa sasa yuko katika klabu hiyo ya Italia kwa mkopo. (Calciomercato, in Italian)

Chanzo cha picha, Getty Images

Maelezo ya picha,

Spurs kuikosesha Roma nafasi ya kumpata Chris Smalling

United wanapigiwa upatu kumsajili beki wa Napoli Kalidou Koulibaly. Nyota huyo wa kimataifa wa Senegal mwenye miaka 26, pia anawaniwa na Real Madrid na Paris St-Germain. (Express, via Corriere dello Sport)

United pia wanamfuatilia beki wa Stoke City Nathan Collins, Kiungo huyo wa kimataifa wa Jamhuri ya Ireland aliye na umri wa chini ya miaka 21, amecheza mara 12 katika timu ya kwanza ya Potters. (Sun)

Dries Mertens ,31, anayelengwa na Chelsea anakaribia kusaini mkataba mpya katika klabu ya Napoli. Mkataba wa mshambuliaji huyo wa Ubelgiji inakamilika msimu huu wa joto. (Sun)

Chanzo cha picha, Getty Images

Maelezo ya picha,

United wanapigiwa upatu kumsajili beki wa Napoli Kalidou Koulibaly

Mkufunzi wa Arsenal Mikel Arteta huenda akapewe fedha kidogo ya za kununua wachezaji msimu huu wa joto ikiwa klabu hiyo itashindwa kufuzu kwa Champions League msimu ujao licha ya tetesi kuibuka kuhusu hali ngumu ya kifedha inayokumba klabu hiyo. (Goal)

Afisa mkuu mtendaji wa Inter Milan Giuseppe Marotta anahofia msimu wa ligi kuu ya Italia Serie A huenda usimaliziki ikiwa hawatapata suluhisho janga la kiafya la coronavirus. (Mail).

Tetesi Bora Jumapili

Cristiano Ronaldo, 35, amesema kwamba anafurahia kuwa Juventus na hana nia ya kujiunga na Inter Miami inayomilikiwa na David Beckham. (Sky Sports)

Barcelona inamnyemelea mshambuliaji wa Arsenal Pierre-Emerick Aubameyang, 30 ambaye mkataba wake unamlizika mwisho wa simu ujao. (Sunday Express)

Chanzo cha picha, Getty Images

Maelezo ya picha,

Cristiano Ronaldo, 35, amesema anafurahia kuwa Juventus na kwamba hana mpango wa kuondoka klabu hiyo

Manchester United wako tayari kutoa kima cha £150,000 kwa wiki kwa nahodha wa Aston Villa Jack Grealish ili kuwa Old Trafford katika msimu ujao wa uhamisho. (Sun)

Mshamambuliaji wa Borussia Dortmund, Erling Braut Haaland ndiye anayependelewa na Real Madrid wakati inapojiandaa kuongeza mshambuliaji mwengine kwa msimu wa tatu mfululizo.

Mshambuliaji wa RB Leipzig Timo Werner, 23, pia yuko kwenye orodha ya Real Madrid na kumaanisha kwamba huenda Liverpool ikapata upinzani wa kumpata mchezaji huyo wa Ujerumani. (Daily Mail)

Chanzo cha picha, Getty Images

Maelezo ya picha,

Mshambuliaji wa RB Leipzig Timo Werner, yuko kwenye orodha ya Real Madrid

Mshambuliaji wa Manchester United Marcus Rashford ana imani kwamba ataweza kurejea uwanjani kabla ya mwisho wa msimu huu kutokana na jeraha la mgongoni.

Liverpool itakuwa na kibarua cha kuimarisha safu yake ya mashambulizi msimu ujao kwasababu mchezaji wa kimataifa Adam Lallana, 31, na Xherdan Shaqiri, 28, wa Switzerland wote wanatarajiwa kuondoka mwisho mwa msimu. (The Athletic via Express)